ಮೈಸೂರು ದಸರಾ ಮಹೋತ್ಸವ: ಮರಳಿನ ಮೂಟೆಯ ತಾಲೀಮು ಆರಂಭ

ಮೈಸೂರು: ದಸರಾ ಮಹೋತ್ಸವದಲ್ಲಿ ಭಾಗಿಯಾಗುವ ಗಜಪಡೆಗೆ ಮರಳಿನ ಮೂಟೆಯ ತಾಲೀಮು ಸೋಮವಾರ ಮೈಸೂರು ಅರಮನೆ ಆವರಣದಲ್ಲಿ ಆರಂಭವಾಯಿತು.

ತಾಲೀಮಿಗೂ ಮುನ್ನ ಶಾಸ್ತ್ರೋಕ್ತವಾಗಿ ಪೂಜೆ ನೆರವೇರಿಸಲಾಯಿತು.

ಕುಂಕುಮ ಅರಿಸಿನ ಹಚ್ಚಿ, ಪುಷ್ಪನಮನ ಸಲ್ಲಿಸಲಾಯಿತು. ಹಣ್ಣುಕಾಯಿಗಳನ್ನು ನೈವೇದ್ಯ ಮಾಡಿ ಮಂಗಳಾರತಿ ಬೆಳಗಲಾಯಿತು.

ನಂತರ 500-600 ಕೆ.ಜಿಗೆ ತೂಕದ ಮರಳಿನ ಮೂಟೆಗಳನ್ನು ಹೊರಿಸಿ ತಾಲೀಮು ನಡೆಸಲಾಯಿತು.