ಬೆಂಗಳೂರು: ತಮಿಳಿನ ಪ್ರತಿಭಾವಂತ ನಟ ಅರುಣ್ ವಿಜಯ್ ಅವರ ‘ಬಾರ್ಡರ್‘ ಸಿನಿಮಾದ ಟ್ರೈಲರ್ ಇಂದು ಬಿಡುಗಡೆಯಾಗಿದ್ದು, ಯೂಟ್ಯೂಬ್ನಲ್ಲಿ ಟ್ರೆಂಡಿಂಗ್ ಆಗಿದೆ.
ಭಯೋತ್ಪಾದನೆ ಹಾಗೂ ಗೂಢಚರ್ಯೆದ ಕಥೆಯನ್ನು ಹೊಂದಿರುವ ಈ ಚಿತ್ರವನ್ನು ಕುಟ್ರಂ23 ಖ್ಯಾತಿಯ ಅರಿವಾಜಗನ್ ಅವರು ನಿರ್ದೇಶಿಸಿದ್ದಾರೆ. ಪೂರ್ಣ ಆಕ್ಸನ್ ಹಾಗೂ ಥ್ರೀಲ್ಲರ್ ಕಥೆ ಹೊಂದಿರುವ ಬಾರ್ಡರ್ ಸಿನಿಮಾದ ಟ್ರೈಲರ್ ವಿಭಿನ್ನವಾಗಿ ಮೂಡಿಬಂದಿದ್ದು, ಅರುಣ್ ವಿಜಯ್ ಅವರಿಗೆ ನಾಯಕಿಯಾಗಿ ರೆಗಿನಾ ಕ್ಯಾಸಂದ್ರಾ ಮಿಂಚಿದ್ದಾರೆ.
ಅರಿವಾಜಗನ್ ಹಾಗೂ ಅರುಣ್ ವಿಜಯ್ ಅವರ ಎರಡನೇ ಸಿನಿಮಾ ಇದಾಗಿದ್ದು, ಹೊಸ ನಿರೀಕ್ಷೆಯನ್ನು ಸಿನಿಪ್ರಿಯರಲ್ಲಿ ಹುಟ್ಟಿಸಿದೆ
ಅರುಣ್ ವಿಜಯ್ ಅವರು ಸಿನಾಮ್ , ಓ ಮೈ ಡಾಗ್, ಬಾಕ್ಸರ್ ಹಾಗೂ ಯಾನ್ನೈ ಸಿನಿಮಾಗಳಲ್ಲಿ ಸದ್ಯ ತೊಡಗಿಸಿಕೊಂಡಿದ್ದಾರೆ. ಅರುಣ್ ವಿಜಯ್ ಅವರು ಕನ್ನಡದಲ್ಲಿ ಪುನೀತ್ ರಾಜ್ಕುಮಾರ್ ಅಭಿನಯದ ಚಕ್ರವ್ಯೂಹದಲ್ಲಿ ಖಳ ಪಾತ್ರದಲ್ಲಿ ಮಿಂಚಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.