ಜೀ 5 ನಲ್ಲಿ ‘ಡಾರ್ಕ್ 7 ವೈಟ್‌’
ಡಾರ್ಕ್ 7 ವೈಟ್‌
ರಾಜಕೀಯ ಕಥಾಹಿನ್ನೆಲೆಯುಳ್ಳ ಹಿಂದಿ ವೆಬ್‌ಸರಣಿ ‘ಡಾರ್ಕ್ 7 ವೈಟ್‌’. ಇದು ನವೆಂಬರ್ 24ಕ್ಕೆ ಜೀ 5 ನಲ್ಲಿ ಬಿಡುಗಡೆಯಾಗಲಿದೆ. ಈ ವೆಬ್‌ಸರಣಿಗೆ ಸಾತ್ವಿಕ್ ಮೊಹಾಂತೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ.
ಯುವ ರಾಜಕಾರಣಿ ಯುಡಿ ಹಾಡಹಗಲಿನಲ್ಲೇ ಕೊಲೆಯಾಗುತ್ತಾನೆ. ಅವರ ಹತ್ತಿರದ ಸ್ನೇಹಿತರು ಕೊಲೆಗೆ ಸಂಬಂಧಿಸಿ ಪ್ರಧಾನ ಶಂಕಿತರಾಗುತ್ತಾರೆ. ಈ ಕೊಲೆಯ ರಹಸ್ಯದ ಹಿಂದೆ ಅನೇಕ ಕರಾಳ ರಹಸ್ಯಗಳು ಬಿಚ್ಚಿಕೊಳ್ಳುತ್ತವೆ. ಕೊನೆಗೆ ಯುಡಿಯನ್ನು ಕೊಲೆ ಮಾಡಿದ್ದು ಯಾರು, ಉಳಿದ ರಹಸ್ಯಗಳೇನು ಎಂದು ತಿಳಿಯಬೇಕಾದರೆ ವೆಬ್‌ಸರಣಿಯನ್ನು ವೀಕ್ಷಿಸಬೇಕು.
ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳುವ ಲಿಂಕ್:ಆಂಡ್ರಾಯ್ಡ್ ಆ್ಯಪ್|ಐಒಎಸ್ ಆ್ಯಪ್
ಸುಮಿತ್ ವ್ಯಾಸ್, ನಿಧಿ ಸಿಂಗ್‌, ಜತಿನ್ ಸರ್ನಾ ಹಾಗೂ ಅಬಿಗಲಿ ಪಾಂಡೆ ಮುಂತಾದವರು ಈ ವೆಬ್‌ಸರಣಿಯ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ.
ಮಿಸ್‌ಮ್ಯಾಚ್ಡ್‌
ಆಕಾಶ್ ಖುರಾನ ನಿರ್ದೇಶನದ ಹಿಂದಿ ವೆಬ್‌ಸರಣಿ ‘ಮಿಸ್‌ಮ್ಯಾಚ್ಡ್‌’. ರೊಮ್ಯಾಂಟಿಕ್ ಕಥಾ ಹಿನ್ನೆಲೆಯುಳ್ಳ ಈ ಸರಣಿಯು ಇಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಲಿದೆ.
ಡಿಂಪಲ್ ಹಾಗೂ ರಿಷಿ ಎಂಬ ಜೋಡಿಗಳ ನಡುವೆ ನಡೆಯುವ ಕಥೆ ಮಿಸ್‌ಮ್ಯಾಚ್ಡ್‌. ರೊಮ್ಯಾಂಟಿಕ್ ಹಿನ್ನೆಲೆಯುಳ್ಳ ಈ ಕತೆಯಲ್ಲಿ ಟೆಕಿ ಹುಡುಗಿಯನ್ನು ಪ್ರೀತಿಸುವ ಹುಡುಗ ರಿಷಿ. ಆದರೆ ಡಿಂಪಲ್‌ಗೆ ರಿಷಿ ತನಗೆ ಹೊಂದುವ ಜೋಡಿಯಲ್ಲ ಎಂಬ ಮನೋಭಾವ. ಒಬ್ಬರಿಗೊಬ್ಬರು ಹೊಂದಾಣಿಕೆಯಾಗದ ಜೋಡಿಯ ಕಥೆ ಈ ವೆಬ್‌ಸರಣಿಯದ್ದು.
ಈ ವೆಬ್‌ಸರಣಿಯಲ್ಲಿ ಪ್ರಜಕ್ತಾ ಕೊಹ್ಲಿ ಡಿಂಪಲ್ ಪಾತ್ರದಲ್ಲಿ ನಟಿಸಿದ್ದಾರೆ. ರಿಷಿ ಪಾತ್ರಕ್ಕೆ ರೋಹಿತ್ ಸರಫ್ ಬಣ್ಣ ಹಚ್ಚಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.