ಹಾಲಿವುಡ್‌ನಲ್ಲಿ ನೆಲೆಸುವುದು ಇಷ್ಟವಿಲ್ಲವೆಂದು ಆಫರ್ ಕೈಬಿಟ್ಟ ಶಿಲ್ಪಾ ಶೆಟ್ಟಿ
ಬೆಂಗಳೂರು: ಲಾಸ್ ಏಂಜಲೀಸ್‌ನಲ್ಲಿ ನೆಲೆಸುವುದು ಇಷ್ಷವಿಲ್ಲವೆಂದು ನಟಿ ಶಿಲ್ಪಾ ಶೆಟ್ಟಿ ಹಾಲಿವುಡ್‌ನ ಪ್ರಮುಖ ಅವಕಾಶವೊಂದನ್ನು ನಿರಾಕರಿಸಿದ್ದಾರೆ.
ಬಾಲಿವುಡ್‌ನ ಪ್ರಮುಖ ನಟಿ ಶಿಲ್ಪಾ ಶೆಟ್ಟಿ, ‘ನಚ್ ಬಲಿಯೇ’, ‘ಸೂಪರ್ ಡ್ಯಾನ್ಸರ್’ನಂತಹ ವಿವಿಧ ರಿಯಾಲಿಟಿ ಶೋಗಳಲ್ಲಿ ಜಡ್ಜ್ ಆಗಿ ಕಾರ್ಯನಿರ್ವಹಿಸಿದ್ದಾರೆ.
ಈ ಸಂದರ್ಭದಲ್ಲಿ ಅವರಿಗೆ ಹಾಲಿವುಡ್‌ನ ಪ್ರಮುಖ ಯೋಜನೆಯೊಂದರಲ್ಲಿ ಅವಕಾಶ ದೊರೆತರೂ, ಅದಕ್ಕಾಗಿ ಅಮೆರಿಕದ ಲಾಸ್ ಏಂಜಲೀಸ್‌ಗೆ ತೆರಳಿ ನೆಲೆಸಬೇಕಾಗಿದ್ದರಿಂದ, ಅದನ್ನು ನಿರಾಕರಿಸಿರುವ ನಟಿ, ಮುಂಬೈನಲ್ಲಿಯೇ ಉಳಿಯುವ ನಿರ್ಧಾರ ಮಾಡಿದ್ದಾರೆ.
ಹಾಲಿವುಡ್ ಅವಕಾಶದ ಬಗ್ಗೆ ಶಿಲ್ಪಾ ಮಗನಿಗೂ ಅಸಮಾಧಾನವಿತ್ತು. ತನ್ನ ತಾಯಿ ಅಲ್ಲಿ ಹೋಗಿ ನೆಲೆಸುವುದು ಆತನಿಗೆ ಇಷ್ಟವಿರಲಿಲ್ಲ. ಹೀಗಾಗಿ ಅಮೆರಿಕಕ್ಕೆ ತೆರಳುವ ನಿರ್ಧಾರವನ್ನು ಕೈಬಿಡಲಾಯಿತು ಎಂದು ನಟಿ ಶಿಲ್ಪಾ ಶೆಟ್ಟಿ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.