ADVERTISEMENT

Fact Check: ಮೆಕ್ಕಾದಲ್ಲಿ ಶಿವಲಿಂಗ ಬಹಿರಂಗವಾಗಿರುವುದು ನಿಜವೇ?

​ಪ್ರಜಾವಾಣಿ ವಾರ್ತೆ
Published 4 ಜುಲೈ 2021, 19:31 IST
Last Updated 4 ಜುಲೈ 2021, 19:31 IST
ವೈರಲ್ ಆಗಿರುವ ಚಿತ್ರ
ವೈರಲ್ ಆಗಿರುವ ಚಿತ್ರ   

‘ಮುಸ್ಲಿಮರ ಪವಿತ್ರ ಕ್ಷೇತ್ರ ಮೆಕ್ಕಾ ಮತ್ತು ಮದೀನಾದಲ್ಲಿ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಶಿವಲಿಂಗ ಬಹಿರಂಗವಾಗಿದೆ. ಎರಡೂ ಚಿತ್ರಗಳಲ್ಲಿ ಇರುವ ಶಿವಲಿಂಗವನ್ನು ಗಮನಿಸಿ. ಎಲ್ಲಾ ಹಿಂದೂಗಳಿಗೆ ತಲುಪುವವರೆಗೆ ಈ ಚಿತ್ರಗಳನ್ನು ಷೇರ್ ಮಾಡಿ’ ಎಂಬ ವಿವರ ಇರುವ ಪೋಸ್ಟ್‌ ಫೇಸ್‌ಬುಕ್‌ನಲ್ಲಿ ವೈರಲ್ ಆಗಿದೆ. ಈ ಪೋಸ್ಟ್‌ನ ಜತೆಗೆ ಮೆಕ್ಕಾದ ಒಂದು ಚಿತ್ರ ಮತ್ತು ಶಿವಲಿಂಗದ ಒಂದು ಚಿತ್ರವನ್ನು ಹಂಚಿಕೊಳ್ಳಲಾಗಿದೆ.

‘ಇದು ಸುಳ್ಳು ಸುದ್ದಿ. ಮೆಕ್ಕಾ ಮತ್ತು ಮದೀನಾ ಎರಡು ಪ್ರತ್ಯೇಕ ನಗರಗಳು. ಮೆಕ್ಕಾದಲ್ಲಿರುವ ಕಾಬಾದ ನಾಲ್ಕು ಮೂಲೆಗಳಲ್ಲಿ ಯೆಮನ್ ಮೂಲೆಯ ಚಿತ್ರವನ್ನು ಈ ಪೋಸ್ಟ್‌ನಲ್ಲಿ ಹಂಚಿಕೊಳ್ಳಲಾಗಿದೆ. ಆ ಚಿತ್ರದಲ್ಲಿ ಇರುವ ಶಿಲೆಯನ್ನು ಮುಸ್ಲಿಮರು ಮುಟ್ಟಿ ಪ್ರಾರ್ಥನೆ ಮಾಡುತ್ತಾರೆ. ಭಾರತದ ಹಜ್ ಸಮಿತಿ ಸಿದ್ಧಪಡಿಸುವ ಹಜ್ ಯಾತ್ರೆ ಕೈಪಿಡಿಯಲ್ಲೂ ಈ ಮಾಹಿತಿ ಇದೆ. ಮತ್ತೊಂದು ಚಿತ್ರದಲ್ಲಿರುವ ಶಿವಲಿಂಗವು ರಾಜಸ್ಥಾನದಲ್ಲಿ ಇದೆ. ಅದು ವೀರತ್‌ಪುರದಲ್ಲಿರುವ 12 ಮುಖಗಳಿರುವ ಶಿವಲಿಂಗದ ಚಿತ್ರ. ಎರಡೂ ಚಿತ್ರಗಳ ಮಾಹಿತಿಯನ್ನು ತಿರುಚಿ ಈ ಸುಳ್ಳು ಸುದ್ದಿ ಸೃಷ್ಟಿಸಲಾಗಿದೆ’ ಎಂದು ಆಲ್ಟ್‌ನ್ಯೂಸ್ ಫ್ಯಾಕ್ಟ್‌ಚೆಕ್ ಪ್ರಕಟಿಸಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT