‘ಯಥಾ ಸ್ಥಿತಿಗೆ ಮರಳಿದ ಜಿಮೇಲ್’

ನವದೆಹಲಿ: ಜಿಮೇಲ್‌ ಸೇವೆಯು ಯಥಾಸ್ಥಿತಿಗೆ ಮರಳಿದೆ ಎಂದು ಗೂಗಲ್‌ ತಿಳಿಸಿದೆ.

ಭಾರತವನ್ನೂ ಒಳಗೊಂಡು ವಿಶ್ವದಾದ್ಯಂತ ಗುರುವಾರ ಬೆಳಿಗ್ಗೆ 11 ಗಂಟೆಯಿಂದ ಕೆಲವು ಗಂಟೆಗಳವರೆಗೆ ಜಿಮೇಲ್‌ ಸೇವೆಯಲ್ಲಿ ವ್ಯತ್ಯಯ ಉಂಟಾಗಿತ್ತು.

ಲಾಗಿನ್‌ ಆಗಲು, ಫೋಟೊ, ವಿಡಿಯೊಅಟ್ಯಾಚ್ ಮಾಡಲು ಹಾಗೂ ಸಂದೇಶಗಳನ್ನು ಸ್ವೀಕರಿಸಲು ಸಾಧ್ಯವಾಗುತ್ತಿಲ್ಲ ಎಂದು ಹಲವು ಬಳಕೆದಾರರು ದೂರಿದ್ದರು.

ಸೇವೆಯಲ್ಲಿ ಆಗಿದ್ದ ವ್ಯತ್ಯಯದ ಬಗ್ಗೆ ಕಂಪನಿ ವಕ್ತಾರರೊಬ್ಬರು ಬಳಕೆದಾರರಲ್ಲಿ ಕ್ಷಮೆ ಕೇಳಿದ್ದಾರೆ.