ಈ ಜಲಪಾತವು ತಾಲ್ಲೂಕು ಕೇಂದ್ರದಿಂದ 28 ಕಿ.ಮೀ ದೂರದಲ್ಲಿದೆ. ಯಲ್ಲಾಪುರ ಪಟ್ಟಣದ ಸಮೀಪ ಜೋಗನ ಜಡ್ಡಿಯ ಹಳ್ಳದಿಂದ ಪ್ರಾರಂಭವಾಗುವ ಚಿಕ್ಕ ತೊರೆಯೇ ಮುಂದುವರಿದು ಸುಂದರ ದೃಶ್ಯಕಾವ್ಯವಾಗಿ ಹರಿಯುತ್ತದೆ. ದೋಣಗಾರ, ತೆಲಂಗಾರ್, ತೋಟ್ಮನೆ ಮೂಲಕ ಅನೇಕ ಸಣ್ಣ ಸಣ್ಣ ತೊರೆಗಳನ್ನು ತನ್ನ ಮಡಿಲಲ್ಲಿ ಸೇರಿಸಿಕೊಂಡು ಹೋಗುತ್ತದೆ. ದಬ್ಬೆಸಾಲಿನ ಮೂಲಕ ಸಾತೊಡ್ಡಿ ಜಲಪಾತವಾಗಿ ಕಾಳಿ ನದಿಯನ್ನು ಸೇರಿಕೊಳ್ಳುತ್ತದೆ. ಅಲ್ಲಿಂದ ಕೊಡಸಳ್ಳಿ ಅಣೆಕಟ್ಟೆಯ ಹಿನ್ನೀರು ಪ್ರದೇಶಕ್ಕೆ ತಲುಪುತ್ತದೆ.