ವಾಚಕರ ವಾಣಿ: ಇವರಿಗೆ ಇವರೇ ಮಾದರಿ!

ಹೊಸ ಪೀಳಿಗೆಗೆ ಹಳೆ ರಾಜಕೀಯ ಮಾದರಿ’ ಎಂಬ ಚಂದ್ರಕಾಂತ ವಡ್ಡು ಅವರ ಲೇಖನ (ಪ್ರ.ವಾ., ಆಗಸ್ಟ್ 23) ಇಂದಿನ ಸಾಮಾಜಿಕ ಮತ್ತು ರಾಜಕೀಯ ಮೇಲಾಟದ ಪರಿಸ್ಥಿತಿಯಲ್ಲಿ ಒಂದು ಚಾರಿತ್ರಿಕ ದಾಖಲೆ ಅಷ್ಟೇ ಮತ್ತು ಆಸಕ್ತರು ಓದುವುದಕ್ಕೆ ಮಾತ್ರ ಸೂಕ್ತ. ವೈರುಧ್ಯದ ವಿಷಯಗಳು ಬಂದಾಗ ಗಾಂಧಿ ಟೋಪಿ ಹಾಕಿಕೊಂಡು ಸಂಭಾವಿತರ ಹಾಗೆ ಪೋಸು ಕೊಟ್ಟು ಬಾಯಿಗೆ ಬಂದಂತೆ ಮಾತನಾಡುವ ಹುಂಬ ರಾಜಕಾರಣಿಗಳೆಲ್ಲಿ, ಹಲವು ಬಾರಿ ವಿಧಾನಮಂಡಲದ ಸದಸ್ಯರಾಗಿದ್ದೂ ಸಾಧಾರಣ ಜೀವನ ಸಾಗಿಸಿದ್ದ ಕೆ. ಚನ್ನಬಸವನಗೌಡರೆಲ್ಲಿ! ಇಂದಿನ ರಾಜಕಾರಣಿಗಳಿಗೆ ಅಂತಹವರು ಹೇಗೆ ಮಾದರಿಯಾದಾರು? ಸುಮ್ಮನೆ ಅಂತಹವರ ಹೆಸರು ಮತ್ತು ನಡಾವಳಿಗಳನ್ನು ಪ್ರಸ್ತುತದ ಅತ್ಯಂತ ಗೌರವಾನ್ವಿತ(?)ರ ನಡಾವಳಿಗಳಿಗೆ ಹೋಲಿಸಿ ತಾಳೆ ಹಾಕಿದರೆ ಆ ಸಂಭಾವಿತರಿಗೆ ಅವಮಾನ ಮಾಡಿದಂತೆ! ಅವರ ರಾಜಕಾರಣ ಮತ್ತು ಜೀವನಶೈಲಿಯೇ ಬೇರೆ ಈಗಿನವರದೇ ಬೇರೆ. ಎಷ್ಟು ಹೇಳಿದರೂ ಬರೆದರೂ ಇವರಂತೂ ಬದಲಾಗರು. ಇವರಿಗೆ ಇವರೇ ಮಾದರಿ!

ಬಿ. ರಮೇಶ್,ಬೆಂಗಳೂರು