ರಾಜ್ಯ ಮಟ್ಟದ ವಾಲಿಬಾಲ್ ಚಾಂಪಿಯನ್‌ಷಿಪ್‌: ಫೈನಲ್‌ಗೆ ಚಾಮರಾಜನಗರ
Published 28 ಜನವರಿ 2023, 18:45 IST
ರಾಜ್ಯಮಟ್ಟದ 25ನೇ ವಾಲಿಬಾಲ್ ಚಾಂಪಿಯನ್‌ಷಿಪ್‌ನ ಶನಿವಾರದ ಪಂದ್ಯದಲ್ಲಿ ಬೆಂಗಳೂರು ಉತ್ತರ ಹಾಗೂ ಧಾರವಾಡ ತಂಡದ ಪೈಪೋಟಿ –ಪ್ರಜಾವಾಣಿ ಚಿತ್ರ/ ಹಂಪಾ ನಾಗರಾಜ
ಮೈಸೂರು: ಚಾಮರಾಜನಗರ ತಂಡದವರು ರಾಜ್ಯ ಮಟ್ಟದ ವಾಲಿಬಾಲ್ ಚಾಂಪಿಯನ್‌ಷಿಪ್‌ನಲ್ಲಿ ಬೆಂಗಳೂರು ದಕ್ಷಿಣ ತಂಡದವರನ್ನು ಮಣಿಸಿ ಫೈನಲ್ ಪ್ರವೇಶಿಸಿದರು.
ಇಲ್ಲಿನ ಮೈಸೂರು ವಿಶ್ವವಿದ್ಯಾಲಯದ ಸ್ಪೋರ್ಟ್ಸ್ ಪೆವಿಲಿಯನ್‌ನಲ್ಲಿ ನಡೆಯುತ್ತಿರುವ ಚಾಂಪಿಯನ್‌ಷಿಪ್‌ನಲ್ಲಿ ಶನಿವಾರ ನಡೆದ ಮಹಿಳೆಯರ ವಿಭಾಗದ ಸೆಮಿಫೈನಲ್‌ ಪಂದ್ಯದಲ್ಲಿ 25–11, 25–14, 25–10ರಿಂದ ಎದು ರಾಳಿ ತಂಡದವರನ್ನು ಮಣಿಸಿದರು.
5 ಸೆಟ್‌ಗಳ ಪಂದ್ಯದಲ್ಲಿ ಆರಂಭ ದಿಂದಲೂ ಪಾರಮ್ಯ ಸಾಧಿಸಿದ ಚಾಮರಾಜನಗರ ತಂಡದವರು ಬ್ಲಾಕಿಂಗ್‌, ಸ್ಪೈಕಿಂಗ್‌ ಹಾಗೂ ಪಾಸಿಂಗ್‌ ಮೂಲಕ ಎಲ್ಲರ ಗಮನ ಸೆಳೆದರು. ಕಾವ್ಯಾ ಹಾಗೂ ಮಹಿಮಾ ಅವರು ಚುರುಕಿನ ಆಟದಿಂದ ಪಾಯಿಂಟ್‌ ಗಳಿಕೆ ಹೆಚ್ಚಿಸಿದರು. ಬೆಂಗಳೂರು ದಕ್ಷಿಣ ತಂಡದ ಮೋನಿಕಾ ಆಟವೂ ಮೋಡಿ ಮಾಡಿತ್ತು.
ಫೈನಲ್ ಇಂದು: ಫೈನಲ್ ಪಂದ್ಯಗಳು ಜ.29ರ ಭಾನುವಾರ ನಡೆಯಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.