ನವದೆಹಲಿ: ಸೋಶಿಯಲ್ ಮೀಡಿಯಾದಲ್ಲಿ ತಮಾಷೆ ವಿಡಿಯೊಗಳನ್ನು ಪೊಸ್ಟ್ ಮಾಡುವ ಮೂಲಕ ತಮ್ಮ ಅನುಯಾಯಿಗಳನ್ನು ಆಗಾಗ್ಗೆ ನಗೆಗಡಲಲ್ಲಿ ತೇಲಿಸುವ ಟೀಮ್ ಇಂಡಿಯಾ ಬ್ಯಾಟರ್ ಶಿಖರ್ ಧವನ್, ಈ ಬಾರಿಯೂ ಇನ್ಸ್ಟಾಗ್ರಾಮ್ನಲ್ಲಿ ಅಂತದ್ದೇ ವಿಡಿಯೊವನ್ನು ಹಂಚಿಕೊಳ್ಳುವ ಮೂಲಕ ಎಲ್ಲರಿಗೂ ನಗು ತರಿಸಿದ್ದಾರೆ.
ಈ ಬಾರಿಯ ಐಪಿಎಲ್ ಟೂರ್ನಿಯಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಪರ ಆಡಿದ್ದ ಶಿಖರ್ ಧವನ್ 460 ರನ್ ಸಿಡಿಸುವ ಮೂಲಕ ಗಮನ ಸೆಳೆದಿದ್ದರು. ಆದರೆ, ತಂಡ ಪ್ಲೇಆಫ್ಸ್ ತಲುಪುವಲ್ಲಿ ವಿಫಲವಾಗಿತ್ತು. .ಈ ಹಿನ್ನೆಲೆಯಲ್ಲಿ ಕೋಪಗೊಂಡ ಅವರ ತಂದೆ ಅವರನ್ನು ಒದೆಯುತ್ತಿರುವ ನಾಟಕೀಯ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ. ಮನೆಯ ಇತರ ಸದಸ್ಯರು ಅವರನ್ನು ತಡೆಯುತ್ತಿದ್ದಾರೆ. ‘ನಾಕ್ ಔಟ್ಗೆ ಅರ್ಹತೆ ಪಡೆಯದಿದ್ದಕ್ಕಾಗಿ ನನ್ನ ತಂದೆಯಿಂದ ನಾಕ್ ಔಟ್’ ಎಂದು ಧವನ್ ವೀಡಿಯೊಗೆ ಶೀರ್ಷಿಕೆ ನೀಡಿದ್ದಾರೆ.
ಈ ವಿಡಿಯೊಗೆ ‘ನಿಮ್ಮಪ್ಪನಿಗಿಂತ ನೀನೆ ಒಳ್ಳೆ ನಟ’ಎಂದು ಹರ್ಭಜನ್ ಸಿಂಗ್ ಕಾಮೆಂಟ್ ಮಾಡಿದ್ದಾರೆ.
ಪಂಜಾಬ್ ತಂಡದ ಸಹ ಆಟಗಾರ ಹರ್ಪ್ರೀತ್ ಬ್ರಾರ್ ಸಹ ‘ಅಂಕಲ್ ರೊಚ್ಚಿಗೆದ್ದಿದ್ದಾರೆ’ ಎಂದು ಕಾಮೆಂಟ್ ಹಾಕಿದ್ದಾರೆ.
7 ಗೆಲುವಿನ ಮೂಲಕ 14 ಅಂಕ ಗಳಿಸಿದ್ದ ಪಂಜಾಜ್ ಕಿಂಗ್ಸ್ ಐಪಿಎಲ್ ಅಂಕಪಟ್ಟಿಯಲ್ಲಿ 6ನೇ ಸ್ಥಾನ ಗಳಿಸಿತ್ತು. ಆರಂಭದಲ್ಲಿ ಉತ್ತಮ ಪ್ರದರ್ಶನ ತೋರಿದ್ದ ತಂಡ ಬಳಿಕ ಸತತ ಸೋಲುಗಳ ಮೂಲಕ ಪ್ಲೇಆಫ್ ಆಸೆ ಕೈಬಿಟ್ಟಿತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.