ಫುಟ್‌ಬಾಲ್‌: ಭಾರತ– ನೇಪಾಳ ಪಂದ್ಯ ಇಂದು

ಕಠ್ಮಂಡು: ಮುಂದಿನ ತಿಂಗಳು ಮಾಲ್ಡಿವ್ಸ್‌ನಲ್ಲಿ ನಡೆಯಲಿರುವ ಸ್ಯಾಫ್‌ ಫುಟ್‌ಬಾಲ್‌ ಚಾಂಪಿಯನ್‌ಷಿಪ್‌ನ ಪೂರ್ವಸಿದ್ಧತೆಯ ಭಾಗವಾಗಿ ಭಾರತ ತಂಡವು ಗುರುವಾರ ನೇಪಾಳ ವಿರುದ್ಧ ಕಣಕ್ಕಿಳಿಯಲಿದೆ.

ಐದು ತಂಡಗಳ ಸ್ಯಾಫ್‌ ಚಾಂಪಿಯನ್‌ಷಿಪ್‌ ಅಕ್ಟೋಬರ್‌ 3ರಿಂದ 13ರವರೆಗೆ ಮಾಲೆಯ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಿಗದಿಯಾಗಿದೆ.

ಭಾರತ, ಬಾಂಗ್ಲಾದೇಶ, ಶ್ರೀಲಂಕಾ, ಆತಿಥೇಯ ಮಾಲ್ಡಿವ್ಸ್ ಮತ್ತು ನೇಪಾಳ ತಂಡಗಳು ಪ್ರಶಸ್ತಿಗಾಗಿ ಸೆಣಸಲಿವೆ.

ನೇಪಾಳ ತಂಡದ ಎದುರಿನ ಎರಡನೇ ಸ್ನೇಹಪರ ಪಂದ್ಯ ಸೆ. 5ರಂದು ನಡೆಯಲಿದೆ. ಈ ಎರಡೂ ಪಂದ್ಯಗಳು ಇಲ್ಲಿಯ ದಶರಥ ಕ್ರೀಡಾಂಗಣದಲ್ಲಿ ನಿಗದಿಯಾಗಿವೆ.