ADVERTISEMENT

Paralympics ಜಾವೆಲಿನ್‌ ಸ್ಪರ್ಧೆ: ವಿಶ್ವದಾಖಲೆಯೊಂದಿಗೆ ಚಿನ್ನ ಗೆದ್ದ ಸುಮಿತ್

ಪಿಟಿಐ
Published 30 ಆಗಸ್ಟ್ 2021, 13:14 IST
Last Updated 30 ಆಗಸ್ಟ್ 2021, 13:14 IST
   

ಟೋಕಿಯೊ:ಜಪಾನ್‌ನಲ್ಲಿ ನಡೆಯುತ್ತಿರುವ ಪ್ಯಾರಾಲಿಂಪಿಕ್ಸ್‌ನ ಜಾವೆಲಿನ್‌ ಥ್ರೋ ಸ್ಪರ್ಧೆಯಲ್ಲಿ ಭಾರತದ ಸುಮಿತ್‌ ಅಂತಿಲ್‌ ಅವರು ವಿಶ್ವದಾಖಲೆಯೊಂದಿಗೆ ಚಿನ್ನ ಗೆದ್ದುಕೊಂಡಿದ್ದಾರೆ.

ಈ ಬಾರಿಯ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಇದು ಎರಡನೇ ಚಿನ್ನದ ಪದಕವಾಗಿದೆ. ಮಹಿಳೆಯರ 10 ಮೀಟರ್ ಏರ್‌ ರೈಫಲ್‌ ಸ್ಟ್ಯಾಂಡಿಂಗ್ ಎಸ್‌ಎಚ್‌1 ವಿಭಾಗದಲ್ಲಿ ಅವನಿ ಲೇಖರಾ ಅವರೂ ಇದೇ ದಿನ ಚಿನ್ನ ಗೆದ್ದಿದ್ದಾರೆ.

23 ವರ್ಷದ ಸುಮಿತ್‌ ಹರಿಯಾಣದ ಸೋನಿಪತ್‌ನವರು.2015ರಲ್ಲಿ ಸಂಭವಿಸಿದ ಮೋಟರ್‌ಬೈಕ್‌ ಅಪಘಾತದಲ್ಲಿ ಎಡಗಾಲು ಕಳೆದುಕೊಂಡಿದ್ದರು. ಅವರು ತಮ್ಮ ಐದನೇ ಪ್ರಯತ್ನದಲ್ಲಿ ಬರೋಬ್ಬರಿ68.55 ಮೀಟರ್‌ ದೂರ ಜಾವೆಲಿನ್‌ ಎಸೆದು ತಮ್ಮದೇ ಹೆಸರಿನಲ್ಲಿದ್ದ ವಿಶ್ವದಾಖಲೆಯನ್ನು ಸುಧಾರಿಸಿದರು. ಈ ಹಿಂದೆ ಅವರು 62.88 ಮೀಟರ್‌ ದೂರ ಎಸೆದು ದಾಖಲೆ ನಿರ್ಮಿಸಿದ್ದರು.

ADVERTISEMENT

ಉಳಿದಂತೆ ಆಸ್ಟ್ರೇಲಿಯಾದ ಮಿಚಲ್‌ ಬುರೇನ್‌ (66.29ಮೀ), ಶ್ರೀಲಂಕಾದ ದುಲಾನ್‌ ಕೊಡಿಥುವಕ್ಕು (65.61ಮೀ)ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕಪಡೆದುಕೊಂಡರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.