ಯಶವಂತಪುರದ ಆರ್.ಜಿ.ರಾಯಲ್ ಹೋಟೆಲ್ನಲ್ಲಿ ಇತ್ತೀಚೆಗೆ ನಡೆದ ಮಿಸೆಸ್ ಇಂಡಿಯಾ ಕರ್ನಾಟಕ ಸ್ಪರ್ಧೆಯಲ್ಲಿ ನಗರದ ಪ್ರಿಯಾಂಕಾ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ.
ಗೃಹಿಣಿಯರು, ಅಮ್ಮಂದಿರು, ಬೇರೆ ಬೇರೆ ವೃತ್ತಿಯಲ್ಲಿ ತೊಡಗಿರುವ ಮಹಿಳೆಯರು ಈ ಸ್ಪರ್ಧೆಯ ಮೆರುಗು ಹೆಚ್ಚಿಸಿದ್ದರು.
ಅಸ್ಬಾ, ರಿನಿ ಬೋಪಣ್ಣ, ಲಾಸ್ಯ ಅವರು ರನ್ನರ್ ಅಪ್ಗಳಾಗಿ ಹೊರಹೊಮ್ಮಿದರು.
40ರಿಂದ 60 ವರ್ಷದ ಗೃಹಿಣಿಯರ ಮಿಸೆಸ್ ಇಂಡಿಯಾ ಕ್ಲಾಸಿಕ್ ಸುತ್ತು ಕೂಡ ಗಮನಸೆಳೆಯಿತು. ಡಾ.ಶಿಲ್ಪಾ ಈ ವಿಭಾಗದ ವಿಜೇತರಾಗಿದ್ದಾರೆ. ವೀಣಾ, ವೀಣಾ ಮೈಸೂರು, ಮಧುಮತಿ, ಪ್ರವೀಣಾ ಕುಲಕರ್ಣಿ ನಂತರದ ಸ್ಥಾನ ಪಡೆದಿದ್ದಾರೆ.
60 ವರ್ಷ ಮೇಲ್ಪಟ್ಟ ಸೂಪರ್ ಕ್ಲಾಸಿಕ್ ಸುತ್ತಿನಲ್ಲಿ ಜೂಲಿಯೆಟ್ ಗೆದ್ದಿದ್ದಾರೆ. ಈ ಸುತ್ತಿನಲ್ಲಿ ತಾರಾ ಬೋಪಯ್ಯ, ನೀಲಾಂಬಿಕಾ, ಇಂದಿರಾ ಮೆನನ್ ಪೈಪೋಟಿ ನೀಡಿದರು. ಅಂತಿಮ ಸುತ್ತಿನಲ್ಲಿ 46 ಮಹಿಳೆಯರು ರ್ಯಾಂಪ್ ಮೇಲೆ ಹೆಜ್ಜೆ ಹಾಕಿದರು.
‘ಈ ಸ್ಪರ್ಧೆಯಲ್ಲಿ ಭಾಗವಹಿಸಿದವರ ಸೌಂದರ್ಯವನ್ನಷ್ಟೇ ಗಮನಿಸಿಲ್ಲ. ಅವರ ವ್ಯಕ್ತಿತ್ವವನ್ನು ನೋಡಲಾಗಿದೆ. ಸಾಧಕ ಮಹಿಳೆಯರನ್ನೂ ಗುರುತಿಸಿ ಗೌರವಿಸಲಾಗಿದೆ’ ಎಂದು ಆಯೋಜಕಿ ಪ್ರತಿಭಾ ಸಂಶಿಮಠ ಹೇಳಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.