ಮುಂಬೈ: ‘ಕೋವಿಡ್–19’ ಸೃಷ್ಟಿಸಿರುವ ಬಿಕ್ಕಟ್ಟಿನಿಂದಾಗಿ ಉದ್ಯೋಗ ಕಳೆದುಕೊಳ್ಳುವ ಮತ್ತು ಜೀವನ ನಿರ್ವಹಣೆಯ ಬಗ್ಗೆ ಭಾರತದಲ್ಲಿ ಶೇ 86 ಜನರು ಆತಂಕ ವ್ಯಕ್ತಪಡಿಸಿದ್ದಾರೆ ಎಂದು ಸಮೀಕ್ಷೆಯೊಂದು ತಿಳಿಸಿದೆ.
ಬ್ರಿಟನ್ನ ಸಂಶೋಧನಾ ಸಂಸ್ಥೆ ಕ್ರಾಸ್ಬಿ ಟೆಕ್ಸ್ಟರ್ ಗ್ರೂಪ್ ಏಪ್ರಿಲ್ 23 ರಿಂದ 27ರವರೆಗೆ ಜನಾಭಿಪ್ರಾಯ ಸಂಗ್ರಹಿಸಿ ಈ ಮಾಹಿತಿ ನೀಡಿದೆ.
ಭಾರತದಲ್ಲಿ ಸೋಂಕು ನಿಯಂತ್ರಿಸಲು ಸರ್ಕಾರ ತೆಗೆದುಕೊಳ್ಳುತ್ತಿರುವ ಕ್ರಮಗಳ ಬಗ್ಗೆ ಶೇ 84ರಷ್ಟು ಮಂದಿ ಸಂತುಷ್ಟರಾಗಿದ್ದಾರೆ. ಬೇರೆ ದೇಶಗಳಿಗೆ ಹೋಲಿಸಿದರೆ ಇದು ಗರಿಷ್ಠ ಮಟ್ಟದಲ್ಲಿದೆ.
ಈ ಮಹಾಮಾರಿಯ ಹರಡುವಿಕೆ ಆರಂಭದ ಹಂತದಲ್ಲಿದ್ದು ಇನ್ನೂ ವೇಗವಾಗಿ ವ್ಯಾಪಿಸಲಿದೆ ಎಂದು ಶೇ 84ರಷ್ಟು ಮಂದಿ ಅಭಿಪ್ರಾಯಪಟ್ಟಿದ್ದಾರೆ.ಸೋಂಕಿನ ಪ್ರಭಾವ ಕಡಿಮೆಯಾಗುತ್ತಿದೆ ಎಂದು ಅಮೆರಿಕ, ಬ್ರಿಟನ್ ಮತ್ತು ಆಸ್ಟ್ರೇಲಿಯಾದ ಜನರು ಹೇಳಿದ್ದರೆ, ನಿಯಂತ್ರಣಕ್ಕೆ ಬಂದಿದೆ ಎಂದು ಹಾಂಗ್ಕಾಂಗ್ ಜನರು ಹೇಳಿದ್ದಾರೆ.
ಉದ್ಯೋಗ ನಷ್ಟದ ಆತಂಕ
ಭಾರತ: 86%
ಹಾಂಗ್ಕಾಂಗ್: 71%
ಆಸ್ಟ್ರೇಲಿಯಾ: 33
ಅಮೆರಿಕ: 41%
ಬ್ರಿಟನ್: 33%
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.