ಚಿನ್ನದ ದರ ₹100 ಏರಿಕೆ: 10 ಗ್ರಾಂಗೆ ₹98,600

ನವದೆಹಲಿ: ಚಿನಿವಾರ ಪೇಟಿಯಲ್ಲಿ ಶುಕ್ರವಾರ ಚಿನ್ನದ ದರ ಏರಿಕೆಯಾಗಿದೆ.

ಶುದ್ಧ ಚಿನ್ನದ ಬೆಲೆ (ಶೇ 99.9 ಪರಿಶುದ್ಧತೆ) ₹100 ಏರಿಕೆಯಾಗಿ 10 ಗ್ರಾಂಗೆ ₹98,600 ತಲುಪಿದೆ. ಆಭರಣ ಚಿನ್ನದ (ಶೇ 99.5 ಪರಿಶುದ್ಧತೆ) ದರವು ಇಷ್ಟೇ ಏರಿಕೆಯಾಗಿ 10 ಗ್ರಾಂಗೆ ₹98,100 ಆಗಿದೆ.

ಆಭರಣ ವ್ಯಾಪಾರಿಗಳು ಮತ್ತು ಚಿಲ್ಲರೆ ವ್ಯಾಪಾರಿಗಳಿಂದ ಬೇಡಿಕೆ ಹೆಚ್ಚಾದ ಕಾರಣ ಹಳದಿ ಲೋಹದ ದರ ಕೊಂಚ ಏರಿಕೆಯಾಗಿದೆ.

ಬೆಳ್ಳಿ ದರದಲ್ಲಿ ಯಾವುದೇ ಬದಲಾವಣೆಯಾಗದೆ 1 ಕೆ.ಜಿಗೆ ₹1 ಲಕ್ಷದಲ್ಲಿ ಸ್ಥಿರವಾಗಿದೆ

ನಿನ್ನೆ (ಗುರುವಾರ) 10 ಗ್ರಾಂ ಚಿನ್ನದ ದರವು (ಶೇ 99.9 ಪರಿಶುದ್ಧತೆ) ₹500 ಕಡಿಮೆಯಾಗಿ, ₹98,500ರಂತೆ ಮಾರಾಟವಾಗಿತ್ತು. ಆಭರಣ ಚಿನ್ನವು (ಶೇ 99.5 ಪರಿಶುದ್ಧತೆ) ಇಷ್ಟೇ ಪ್ರಮಾಣದಲ್ಲಿ ಇಳಿಕೆಯಾಗಿ ₹98 ಸಾವಿರ ಆಗಿತ್ತು.