ಕಲಬುರಗಿಯಲ್ಲಿ ಧಾರಾಕಾರ‌ ಮಳೆ

ಕಲಬುರಗಿ: ನಗರದಲ್ಲಿ ಸೋಮವಾರ ತಡರಾತ್ರಿ ಧಾರಾಕಾರ‌ ಮಳೆ ಸುರಿಯಿತು.

ರಾತ್ರಿ 9 ಗಂಟೆ‌ ವೇಳೆಗೆ ಅರ್ಧ ಗಂಟೆ ಬಿರುಸಿನ‌ ‌ಮಳೆಯಾಗಿತ್ತು. ಬಳಿಕ ಹನಿಗಳು ‌ಉದುರುತ್ತಿದ್ದವು. ನಂತರ ಹಂತ ಹಂತವಾಗಿ ವೇಗ ಪಡೆದ ಮಳೆ ಮತ್ತೆ‌ ರಾತ್ರಿ ‌11.40ರ ಹೊತ್ತಿಗೆ ಧಾರಾಕಾರವಾಗಿ ಸುರಿಯಿತು.

ನಗರದ‌ ರಸ್ತೆಗಳ ಮೇಲೆ ನೀರು ಹರಿಯಿತು.‌ ನಗರದ ಅನ್ನಪೂರ್ಣ ‌ಕ್ರಾಸ್ ಕಡೆಗೆ ಜಗತ್ ವೃತ್ತದ‌ ಕಡೆಯಿಂದ‌ ಅಪಾರ ಪ್ರಮಾಣದ ಮಳೆ‌ ನೀರು ನುಗ್ಗಿ ಬಂತು. ನಗರದ ಪಿಡಿಎ‌ ಎಂಜಿನಿಯರ್ ಕಾಲೇಜು‌ ಹಾಗೂ ಹಳೇ ಜೇವರ್ಗಿ‌ ರಸ್ತೆಯಲ್ಲಿನ ರೈಲ್ವೆ ‌ಕೆಳ ಸೇತುವೆಯಡಿ ನೀರು ಜಮಾಯಿಸಿದ್ದರಿಂದ ವಿರಳವಾಗಿ ಸಂಚರಿಸುತ್ತಿದ್ದ ವಾಹನಗಳಿಗೆ ತೊಂದರೆಯಾಯಿತು.

ಗಾಳಿ ಸಹಿತ ಮಳೆ‌ ಸುರಿದಿದ್ದರಿಂದ ವಾತಾವರಣ ‌ತಂಪೇರಿದ್ದು, ಚಳಿಯ ಅನುಭವವಾಯಿತು.