ಹಟ್ಟಿ ಚಿನ್ನದ ಗಣಿ: ಜೂಜಾಟದಲ್ಲಿ ತೊಡಗಿದ್ದ 7 ಜನರ ಬಂಧನ

ಹಟ್ಟಿ ಚಿನ್ನದ ಗಣಿ: ಸಮೀಪದ ಕೋಠಾ ಗ್ರಾಮದ ಮುಖ್ಯ ರಸ್ತೆಯ ನೀರಿನ ಟ್ಯಾಂಕ್‌ನ ಬಳಿ ಸಾರ್ವಜನಿಕ ಸ್ಥಳದಲ್ಲಿ ಇಸ್ಪೀಟ್ ಆಟದಲ್ಲಿ ತೊಡಗಿದ್ದ 7 ಜನರನ್ನು ಹಟ್ಟಿ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

ಕೋಠಾ ಗ್ರಾಮದ ಮೈಹಿಬೂಬು, ಮುಸ್ತಾಫಾ, ಮನ್ಸೂರ, ಪ್ರಶಾಂತ, ರಂಗನಾಥ, ಉಮೇಶ, ರಾಜು ಬಂಧಿತರು. ಅವರಿಂದ ₹3,500 ನಗದು ವಶಪಡಿಸಿಕೊಳ್ಳಲಾಗಿದೆ ಎಂದು ಪಿಐ ಹೊಸಕೇರಪ್ಪ ತಿಳಿಸಿದ್ದಾರೆ.

ಹಟ್ಟಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.