ಕಿಕ್‌ಸ್ಟಾರ್ಟ್‌ಗೆ ಗೆಲುವು
ಬೆಂಗಳೂರು: ಎದುರಾಳಿ ತಂಡದ ಆರ್‌.ವಿನೋದ್‌ (53ನೇ ನಿಮಿಷ) ಅವರ ಉಡುಗೊರೆ ಗೋಲಿನಿಂದಾಗಿ ಕಿಕ್‌ಸ್ಟಾರ್ಟ್‌ ಫುಟ್ಬಾಲ್ ಕ್ಲಬ್‌ ತಂಡವು ಕೆಎಸ್‌ಎಫ್‌ಎ ಸೂಪರ್ ಡಿವಿಷನ್‌ ಲೀಗ್‌ ಚಾಂಪಿಯನ್‌ಷಿಪ್‌ನ ಪಂದ್ಯದಲ್ಲಿ ಮಂಗಳವಾರ 1–0ಯಿಂದ ರೆಬೆಲ್ಸ್‌ ಎಫ್‌ಸಿ ತಂಡವನ್ನು ಸೋಲಿಸಿತು.
ಬೆಂಗಳೂರು ಫುಟ್ಬಾಲ್ ಕ್ರೀಡಾಂಗಣದಲ್ಲಿ ನಡೆದ ಇನ್ನೊಂದು ಪಂದ್ಯದಲ್ಲಿ ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡವು 3–0 ಅಂತರದಿಂದ ಬೆಂಗಳೂರು ಸಿಟಿ ಎಫ್‌ಸಿ ತಂಡವನ್ನು ನಿರಾಯಾಸವಾಗಿ ಮಣಿಸಿತು. ಮೊಹಮ್ಮದ್‌ ಅತ್ಲಾಬ್‌ ಹುಸೇನ್‌ (4ನೇ ನಿ.) ಆರಂಭಿಕ ಮುನ್ನಡೆ ತಂದುಕೊಟ್ಟರೆ, ಎಂ.ನಿಖಿಲ್‌ರಾಜ್‌ (34ನೇ ಹಾಗೂ 42ನೇ ನಿ.) ಅವಳಿ ಗೋಲು ಹೊಡೆದು ಮಿಂಚಿದರು.
ಮತ್ತೊಂದು ಪಂದ್ಯದಲ್ಲಿ ಎಫ್‌ಸಿ ರಿಯಲ್‌ ಬೆಂಗಳೂರು ತಂಡವು 2–0ಯಿಂದ ಎಎಸ್‌ಸಿ ಆ್ಯಂಡ್‌ ಸೆಂಟರ್‌ ಎಫ್‌ಸಿ ತಂಡದ ಎದುರು ಜಯ ದಾಖಲಿಸಿತು. ಆರ್‌.ಕಾರ್ತಿಕೇಯನ್‌ (12ನೇ ನಿ.) ಹಾಗೂ ಅಜಯ್‌ ಅಲೆಕ್ಸ್‌ ಆ್ಯಂಟನಿ (60ನೇ ನಿ.) ತಲಾ ಒಂದು ಗೋಲು ಗಳಿಸಿದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.