ಏಷ್ಯನ್ ಚಾಂಪಿಯನ್‌ಷಿಪ್‌: ತಂಡ ಪ್ರಶಸ್ತಿ ಗೆದ್ದ ಪುರುಷರು

ವಿಯೆಟ್ನಾಂ: ಭಾರತದ ಪುರುಷ ಕುಸ್ತಿಪಟುಗಳು ಇಲ್ಲಿ ನಡೆಯುತ್ತಿರುವ 23 ವರ್ಷದೊಳಗಿನವರ ಏಷ್ಯನ್  ತಂಡ ಚಾಂಪಿಯನ್‌ಷಿಪ್‌ನ ಫ್ರೀಸ್ಟೈಲ್ ಸ್ಪರ್ಧೆಗಳಲ್ಲಿ ಆರು ಚಿನ್ನ ಹಾಗೂ ಒಂದು ಬೆಳ್ಳಿ ಪದಕ ಗೆಲ್ಲುವ ಮೂಲಕ ತಂಡ ಪ್ರಶಸ್ತಿಯನ್ನು ಜಯಿಸಿದರು.

ಇದರೊಂದಿಗೆ ಭಾರತದ ಪುರುಷ ಮತ್ತು ಮಹಿಳಾ ತಂಡಗಳು ಪ್ರಶಸ್ತಿ ಗೆದ್ದವು. ಭಾರತದ ಮಹಿಳಾ ಕುಸ್ತಿಪಟುಗಳು ಚಾಂಪಿಯನ್‌ಷಿಪ್‌ನ ಎಲ್ಲ 10 ಸ್ಪರ್ಧೆಗಳಲ್ಲೂ ಪದಕ ಜಯಿಸಿದ್ದರು. ನಿಖಿಲ್‌ (61 ಕೆ.ಜಿ), ಸುಜೀತ್‌ ಕಲ್ಕಲ್‌ (65 ಕೆ.ಜಿ), ಜೈದೀಪ್‌ (74 ಕೆ.ಜಿ), ಚಂದ್ರಮೋಹನ್‌ (79 ಕೆ.ಜಿ), ಸಚಿನ್‌ (92 ಕೆ.ಜಿ) ಹಾಗೂ ವಿಕ್ಕಿ (97 ಕೆ.ಜಿ) ಚಿನ್ನದ ಪದಕ ಗೆದ್ದರು. ಜಸಪೂರಣ್ ಸಿಂಗ್‌ 125 ಕೆ.ಜಿ ವಿಭಾಗದಲ್ಲಿ ಬೆಳ್ಳಿ ಪದಕ ಗಳಿಸಿದರು.

ಗ್ರೀಕೊ-ರೋಮನ್ ಶೈಲಿಯಲ್ಲಿ, ಭಾರತದ ಪುರುಷ ಸ್ಪರ್ಧಿಗಳು ಚಿನ್ನವೂ ಸೇರಿದಂತೆ ಮೂರು ಪದಕಗಳನ್ನು ಗೆದ್ದರು.