ನಾಸಾ: ಚಂದ್ರಯಾನ ರಾಕೆಟ್‌ನಲ್ಲಿ ಇಂಧನ ಸೋರಿಕೆ

ಫ್ಲೋರಿಡಾ (ಎಪಿ): ಚಂದ್ರನಲ್ಲಿಗೆ ಮನುಷ್ಯರನ್ನು ಕರೆದೊಯ್ಯುವ ಎರಡನೇ ಪ್ರಯತ್ನಕ್ಕೆ ಪೂರ್ವಭಾವಿಯಾಗಿ ಇದೇ ಜೂನ್‌ನಲ್ಲಿ ಖಾಲಿ ರಾಕೆಟ್‌ ಅನ್ನು ಉಡಾಯಿಸುವ ಸಲುವಾಗಿ ರಾಕೆಟ್‌ಗೆ ಇಂಧನ ಭರ್ತಿ ಮಾಡುವ ಕೆಲಸವನ್ನು ‘ನಾಸಾ’ ಆರಂಭಿಸಿದ್ದು, ಇಂಧನ ಸೋರಿಕೆಯಾಗುತ್ತಿರುವುದು ಹೊಸ ತಲೆನೋವಾಗಿ ಪರಿಣಮಿಸಿದೆ.

ರಾಕೆಟ್‌ಗೆ ಇಂಧನ ತುಂಬಿಸುವ ಬಹುಮುಖ್ಯವಾದ ಹಂತದಲ್ಲಿ ಈ ಸೋರಿಕೆ ಕಂಡುಬಂದಿದೆ. 322 ಅಡಿ ಎತ್ತರದ (98 ಮೀಟರ್) ಎಸ್‌ಎಲ್‌ಎಸ್ ರಾಕೆಟ್‌ನಲ್ಲಿ 30 ಮಹಡಿಗಳಿದ್ದು, ಕೊನೆಯಲ್ಲಿ ಖಾಲಿ ಓರಿಯನ್‌ ಕೋಶ ಇರಲಿದೆ. ನಾಲ್ಕರಿಂದ ಆರು ವಾರಗಳ ಪಯಣದಲ್ಲಿ ಅದು ಚಂದ್ರನಲ್ಲಿಗೆ ತೆರಳಿ ಭೂಮಿಗೆ ಮರಳಲಿದೆ.

ಈ ಯೋಜನೆಯ ಫಲಶ್ರುತಿಯ ಆಧಾರದಲ್ಲಿ 2024ರಲ್ಲಿ ಗಗನಯಾನಿಗಳು ಮೊದಲಿಗೆ ಚಂದ್ರನ ಕಕ್ಷೆಗೆ ತೆರಳಲಿದ್ದು, 2025ರಲ್ಲಿ ಚಂದ್ರನ ನೆಲದ ಮೇಲೆ ಮತ್ತೆ ಪದಾರ್ಪಣೆ ಮಾಡುವ ಯೋಜನೆ ಸಿದ್ಧವಾಗಲಿದೆ.