ಬಾಹ್ಯಾಕಾಶದಲ್ಲಿ ತೇಲುತ್ತಿರುವ ರೋಮಾಂಚನಕಾರಿ ವಿಡಿಯೊ ಹಂಚಿಕೊಂಡ ಜೆಫ್‌ ಬೆಜೋಸ್‌
ಸಹ ಪ್ರಯಾಣಿಕರೊಂದಿಗೆ ಬಾಹ್ಯಾಕಾಶದಲ್ಲಿ ತೇಲುತ್ತಿರುವ ರೋಮಾಂಚನಕಾರಿ ವಿಡಿಯೊವನ್ನು ಅಮೆಜಾನ್‌ ಕಂಪನಿಯ ಸ್ಥಾಪಕ ಜೆಫ್‌ ಬೆಜೋಸ್‌ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಜೆಫ್‌ ಬೆಜೋಸ್‌ (57) ತಮ್ಮದೇ ಕಂಪನಿಯ 'ಬ್ಲೂ ಹೊರಿಜಿನ್' ಗಗನನೌಕೆಯಲ್ಲಿ ಸಹ ಪ್ರಯಾಣಿಕರೊಂದಿಗೆ ಮಂಗಳವಾರ ಬಾಹ್ಯಾಕಾಶ ಪ್ರಯಾಣ ಕೈಗೊಂಡಿದ್ದಾರೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿಕೊಂಡಿರುವ ವಿಡಿಯೊದಲ್ಲಿ ಬೆಜೋಸ್‌ ಅವರೊಂದಿಗೆ ಹಿರಿಯ ಪೈಲಟ್‌ ವಾಲಿ ಫಂಕ್‌ (82), ಬೆಜೋಸ್‌ ಸೋದರ ಮಾರ್ಕ್‌ ಹಾಗೂ ಖಾಸಗಿ ಪೈಲಟ್‌ ಪರವಾನಗಿ ಹೊಂದಿರುವ ಡಚ್‌ ಮೂಲದ ಓಲಿವರ್‌ ಡೀಮೆನ್‌ (18) ಇದ್ದಾರೆ.
ಉತ್ತರ ಅಮೆರಿಕದ ಸೆಂಟ್ರಲ್‌ ಟೈಮ್ ಜೋನ್‌ಗೆ ಅನ್ವಯವಾಗುವಂತೆ ನ್ಯೂ ಶೆಫರ್ಡ್‌ ಅಂತರಿಕ್ಷ ನೌಕೆಯು ಜುಲೈ 20ರಂದು ಬೆಳಿಗ್ಗೆ 8ಕ್ಕೆ ಉಡಾವಣೆಯಾಗಿದೆ. ಟೆಕ್ಸಾಸ್‌ ಪಶ್ಚಿಮ ಭಾಗದ ಮರುಭೂಮಿ ಪ್ರದೇಶದಲ್ಲಿರುವ ಲಾಂಚ್‌ ಸೈಟ್‌ ಒನ್‌ನಿಂದ ನ್ಯೂ ಶೆಫರ್ಡ್‌ ಪ್ರಯಾಣ ಆರಂಭಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.