ಬೆಂಗಳೂರು: ಮೆಸೇಜಿಂಗ್ ಅಪ್ಲಿಕೇಶನ್ ಟೆಲಿಗ್ರಾಂ, ಹೊಸ ಅಪ್ಡೇಟ್ ಬಿಡುಗಡೆ ಮಾಡಿದೆ. ಗ್ರೂಪ್ ವಿಡಿಯೊ ಕರೆಗಳಲ್ಲಿ 1000 ಮಂದಿ ಭಾಗವಹಿಸುವ ಅವಕಾಶವನ್ನು ಟೆಲಿಗ್ರಾಂ ಬಳಕೆದಾರರಿಗೆ ಕಲ್ಪಿಸುತ್ತಿದೆ.
ಹೊಸ ಅಪ್ಡೇಟ್ ಪ್ರಕಾರ, ವಿಡಿಯೊ ಕರೆಯಲ್ಲಿ 30 ಜನರು ಮಾತುಕತೆ ನಡೆಸಬಹುದು, ಆದರೆ ಅದೇ ಕರೆಯನ್ನು 1000 ಮಂದಿ ವೀಕ್ಷಿಸಲು ಅವಕಾಶವಿದೆ. ಜತೆಗೆ ವಿಡಿಯೊ ಮೆಸೇಜ್ ಅನ್ನು ರೆಕಾರ್ಡ್ ಮಾಡಲು ಕೂಡ ಸಾಧ್ಯವಿದೆ.
ಜತೆಗೆ ಸ್ಕ್ರೀನ್ ಶೇರಿಂಗ್ ಆಯ್ಕೆ ಹೊಸ ಗ್ರೂಪ್ ವಿಡಿಯೊ ಕಾಲ್ಸ್ 2.0 ಮೂಲಕ ಲಭ್ಯವಿದೆ.
ವಿಡಿಯೊ ಕರೆಯಲ್ಲಿ ಗರಿಷ್ಠ ರೆಸೊಲ್ಯೂಷನ್ ಇದ್ದು, ರೆಕಾರ್ಡ್ ಮಾಡಿದಾಗಲೂ ಅದೇ ಸ್ಪಷ್ಟತೆ ಲಭ್ಯವಾಗಲಿದೆ.
ಜತೆಗೆ ಟೆಲಿಗ್ರಾಂ ಆ್ಯಪ್ನಲ್ಲಿರುವ ಮಿಡಿಯಾ ಎಡಿಟರ್ ಮೂಲಕ ಬಳಕೆದಾರರು ಫೋಟೊ ಮತ್ತು ವಿಡಿಯೊಗಳಿಗೆ ಚಿತ್ರ, ಸ್ಟಿಕರ್ಸ್ ಮತ್ತು ಟೆಕ್ಸ್ಟ್ ಹಾಕುವ ಮೂಲಕ ಅಲಂಕರಿಸಲು ಅನುವು ಮಾಡಿಕೊಡುತ್ತದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.