ತುರ್ತು ಡೇಟಾ ಸಾಲ ಪ್ಯಾಕ್ ಬಿಡುಗಡೆ ಮಾಡಿದ ರಿಲಯನ್ಸ್: ಬಳಕೆ ಹೇಗೆ?

ಬೆಂಗಳೂರು: ರಿಲಯನ್ಸ್, ಜಿಯೋ ಬಳಕೆದಾರರಿಗೆ ತುರ್ತು ಬಳಕೆಗೆ ಅನುಕೂಲವಾಗುವಂತೆ 1GB ಡೇಟಾ ಸಾಲ ಪ್ಯಾಕ್ ಬಿಡುಗಡೆ ಮಾಡಿದೆ.

ಅಗತ್ಯ ಸಂದರ್ಭದಲ್ಲಿ ಡೇಟಾ ಕೊರತೆಯಾಗಿದ್ದರೆ, ಗ್ರಾಹಕರು ಈ ಪ್ರಯೋಜನ ಪಡೆಯಬಹುದಾಗಿದೆ.

ಜಿಯೋ ಪ್ರಿಪೇಯ್ಡ್ ಬಳಕೆದಾರರಿಗೆ ಈ ಸೌಲಭ್ಯವಿದ್ದು, ಐದು ಬಾರಿ ತಲಾ 1GB ಡೇಟಾ ಸಾಲ ಪ್ಯಾಕ್ ಪಡೆಯಬಹುದು. ಪ್ರತಿ 1GB ಡೇಟಾ ಪ್ಯಾಕ್ ದರ ₹11 ಆಗಿರುತ್ತದೆ.

ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಬ್ಯಾಟಲ್‌ಗ್ರೌಂಡ್ಸ್ ಮೊಬೈಲ್ ಇಂಡಿಯಾ ನಂ. 1

ಜಿಯೋ ಡೇಟಾ ಸಾಲ ಪಡೆಯುವುದು ಹೇಗೆ?

ಬಳಕೆದಾರರು, ಮೊದಲು ಮೈಜಿಯೋ ಆ್ಯಪ್ ತೆರೆಯಬೇಕು. ನಂತರ ಮೆನು ಕ್ಲಿಕ್ ಮಾಡಿ.

ಅದರಲ್ಲಿ, ಮೊಬೈಲ್ ಸರ್ವಿಸಸ್ ಕೆಳಗಡೆ ‘ಎಮರ್ಜೆನ್ಸಿ ಡೇಟಾ ಲೋನ್’ ಆಯ್ಕೆ ತೆರೆದು, ಪ್ರೊಸೀಡ್ ಕೊಡಿ.

‘ಗೆಟ್ ಎಮರ್ಜೆನ್ಸಿ ಡೇಟಾ’ ಆಯ್ಕೆ ಮಾಡಿ.

ನಂತರ, ‘ಆಕ್ಟಿವೇಟ್ ನೌ’ ಕೊಡಿ.

ಈಗ ನಿಮ್ಮ ಖಾತೆಗೆ 1GB ಡೇಟಾ ಲೋನ್ ಪ್ಯಾಕ್ ಸೇರ್ಪಡೆಯಾಗುತ್ತದೆ.

Redmi 9 Power: ದೇಶದಲ್ಲಿ ಶಿಯೋಮಿ ಸ್ಮಾರ್ಟ್‌ಫೋನ್ ಬೆಲೆ ಇಳಿಕೆ