ವಿಡಿಯೊ ನೋಡಿ: ಬೆಕ್ಕು ಹಿಡಿಯಲು ಹೋಗಿ ಬಾವಿಗೆ ಬಿದ್ದ ಚಿರತೆ

ಬೆಕ್ಕು ಹಿಡಿಯಲು ಹೋಗಿ ಚಿರತೆಯೊಂದು ಬೆಕ್ಕಿನ ಜತೆಯಲ್ಲೇ ಬಾವಿಗೆ ಬಿದ್ದಿರುವ ಘಟನೆ ವರದಿಯಾಗಿದೆ.

ಮಹಾರಾಷ್ಟ್ರದ ನಾಸಿಕ್‌ನಲ್ಲಿ ಈ ಘಟನೆ ನಡೆದಿದೆ.

ಬಾವಿಯಲ್ಲಿ ಬೆಕ್ಕಿನ ವಿರುದ್ಧ ದಾಳಿಗೆ ಚಿರತೆ ಮುಂದಾಯಿತಾದರೂ ಮಾರ್ಜಾಲದ ಮೋಡಿಗೆ ಚಿರತೆ ಮನಸೋತಿತು. ನಂತರ ಕೆಲಹೊತ್ತು ಈ ಎರಡು ಪ್ರಾಣಿಗಳು ಗೆಳೆಯರಂತೆ ಬೀಗಿದವು.

ಚಿರತೆ ಮತ್ತು ಬೆಕ್ಕು ಬಾವಿಗೆ ಬಿದ್ದಿರುವುದನ್ನು ಗಮನಿಸಿದ ಸ್ಥಳೀಯರು ಅರಣ್ಯ ಇಲಾಖೆ ಸಿಬ್ಬಂದಿಗಳಿಗೆ ಮಾಹಿತಿ ನೀಡಿದರು. ಕೂಡಲೇ ಸ್ಥಳಕ್ಕೆ ಆಗಮಿಸಿದ ಇಲಾಖೆ ಸಿಬ್ಬಂದಿಗಳು ಚಿರತೆ ಮತ್ತು ಬೆಕ್ಕನ್ನು ರಕ್ಷಣೆ ಮಾಡಿದರು.