ಬೆಂಗಳೂರು: ಟಿವಿ ವಾಹಿನಿಗಳಲ್ಲಿ ನಡೆಯುವ ಚರ್ಚೆ ಕಾರ್ಯಕ್ರಮಗಳಲ್ಲಿ ಲೈವ್ನಲ್ಲಿಯೇ ಕೆಲವೊಮ್ಮೆ ಸ್ವಾರಸ್ಯಕರ ಸಂಗತಿಗಳು ನಡೆಯುತ್ತವೆ.
ಟಿವಿ ಸ್ಟುಡಿಯೋಗಳಲ್ಲಿ ಕೂಡ ನಡೆಯುವ ಲೈವ್ ಕಾರ್ಯಕ್ರಮದಲ್ಲಿ ಗಂಡ-ಹೆಂಡತಿ ಜಗಳದಂತಹ ವಿಚಾರ ಕೂಡ ನಡೆಯುತ್ತದೆ.
ಪಾಕಿಸ್ತಾನದ ಎಕ್ಸ್ಪ್ರೆಸ್ ಟಿವಿ ವಾಹಿನಿಯ ಚರ್ಚೆ ಕಾರ್ಯಕ್ರಮದಲ್ಲಿಪ್ರಧಾನಿ ಇಮ್ರಾನ್ ಖಾನ್ ಪಕ್ಷದ ನಾಯಕಿ ಡಾ. ಫಿರ್ದೋಸ್ ಆಶಿಕ್ ಭಾಗವಹಿಸಿದ್ದರು. ಅದೇ ಸಂವಾದದಲ್ಲಿ ಮತ್ತೊಂದು ಕಡೆ ಪ್ರತಿಪಕ್ಷದ ಸಂಸದ ಖಾದಿರ್ ಖಾನ್ ಕೂಡ ಇದ್ದರು.
ಚರ್ಚೆ ನಡೆಯುವ ವೇಳೆ ಫಿರ್ದೋಸ್ ತಾಳ್ಮೆ ಕಳೆದುಕೊಂಡು, ಸಂಸದ ಖಾದಿರ್ ಕೆನ್ನೆಗೆ ಬಾರಿಸಿದ್ದಾರೆ. ಟಿವಿ ಲೈವ್ ನಡೆಯುವ ಸಂದರ್ಭದಲ್ಲೇ ಈ ಘಟನೆ ನಡೆದಿದ್ದು, ಸಾವಿರಾರು ಜನರು ವೀಕ್ಷಿಸಿದ್ದಾರೆ.
ತಾರೆಕ್ ಫತಾಹ್ ಈ ವಿಡಿಯೊ ಕ್ಲಿಪ್ ಅನ್ನು ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಪಾಕಿಸ್ತಾನ ಸಂಸತ್ ನಾಯಕರ ನಡುವಿನ ಜಗಳ ಮತ್ತು ಸಂಸದೆ, ಪಾಕ್ ನಾಯಕನ ಕೆನ್ನೆಗೆ ಹೊಡೆಯುವ ದೃಶ್ಯಗಳು ವೈರಲ್ ಆಗಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.