ADVERTISEMENT

ವಿಡಿಯೊ: ಪ್ಲಾಸ್ಟಿಕ್‌ ಬಾಟಲ್‌ ಬಿರಡೆ ತೆಗೆದ ಜೇನ್ನೊಣಗಳು; ಹೌಹಾರಿದ ನೆಟ್ಟಿಗರು!

​ಪ್ರಜಾವಾಣಿ ವಾರ್ತೆ
Published 29 ಮೇ 2021, 7:17 IST
Last Updated 29 ಮೇ 2021, 7:17 IST
ಪ್ಲಾಸ್ಟಿಕ್‌ ಬಾಟಲಿ
ಪ್ಲಾಸ್ಟಿಕ್‌ ಬಾಟಲಿ   

ಎರಡು ಜೇನ್ನೊಣಗಳು ಪ್ಲಾಸ್ಟಿಕ್‌ ಬಾಟಲಿಯ ಬಿರಡೆ ತೆರೆದವು ಎಂದು ಹೇಳಿದರೆ ನಂಬುವುದು ಕಷ್ಟ. ಆದರೆ ಅವು ಕ್ಯಾಪ್‌ ತೆಗೆಯುತ್ತಿರುವ ವಿಡಿಯೊವನ್ನು ನೋಡಿದರೆ ಯಾರಾದರೂನಂಬಲೇ ಬೇಕು!

ಹೌದು. ಬ್ರೆಜಿಲ್‌ನ ಎರಡು ಜೇನ್ನೊಣಗಳು ಪ್ಲಾಸ್ಟಿಕ್‌ ಬಾಟಲಿಯ ಬಿರಡೆ ತೆಗೆಯುವ ಮೂಲಕ ವಿಶ್ವದಾಖಲೆ ಮಾಡಿವೆ. ಬ್ರೆಜಿಲ್‌ನ ಅಧಿಕೃತ ಸುದ್ದಿ ತಾಣ ‘ವೈರಲ್‌ ಹಾಗ್‌’ ಈ ವಿಡಿಯೊ ಸುದ್ದಿಯನ್ನು ಪ್ರಕಟಿಸಿದೆ.

ಬ್ರೆಜಿಲ್‌ನ ಸಾಹೊ ಪೌಲೊ ಎಂಬುವರು ಜೇನು ನೋಣಗಳು ಬಿರಡೆ ತೆಗೆಯುವುದನ್ನು ತಮ್ಮ ಮೊಬೈಲ್‌ನಲ್ಲಿ ಸೆರೆ ಹಿಡಿದುಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿದ್ದರು. ಇದನ್ನೇ‘ವೈರಲ್‌ ಹಾಗ್‌’ ವೆಬ್‌ಸೈಟ್‌ ಸುದ್ದಿ ರೂಪದಲ್ಲಿ ಪ್ರಕಟಿಸಿದೆ.

ADVERTISEMENT

ಸಾಹೊ ಪೌಲೊ ತಮ್ಮ ಕಚೇರಿಯಲ್ಲಿ ಊಟ ಮಾಡುವಾಗ ಸೋಡಾ ಬಾಟಲಿಯ ಬಿರಡೆಯನ್ನು ಸಡಿಲಗೊಳಿಸಿ ಇಟ್ಟಿದ್ದರು. ಈ ವೇಳೆ ಹಾರಿ ಬಂದ ಎರಡು ಜೇನ್ನೊಣಗಳು ಬಾಟಲಿಯ ಬಿರಡೆಯ ಕೆಳಗೆ ವಿರುದ್ಧ ದಿಕ್ಕಿನಲ್ಲಿ ಕೂತು ಮುಂಗಾಲುಗಳಿಂದ ಬಿರಡೆಯನ್ನು ತೆಗೆದಿರುವುದು ವೈರಲ್‌ಆದ ವಿಡಿಯೊದಲ್ಲಿದೆ.

ಎರಡು ಜೇನ್ನೊಣಗಳು ನನ್ನ ಸೋಡಾವನ್ನು ಕದಿಯಲು ಬಂದಿವೆ ಎಂದು ಸಾಹೊ ಪೌಲ್‌ ಟ್ವೀಟ್‌ ಮಾಡಿ ವಿಡಿಯೊವನ್ನು ಪ್ರಕಟಿಸಿದ್ದರು.

ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಎರಡು ಜೇನ್ನೊಣಗಳ ಜಾಣ್ಮೆ ಮತ್ತು ಸಾಹಸಕ್ಕೆ ನೆಟ್ಟಿಗರು ಹೌಹಾರಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.