ಸೆಂಟ್ ಜಾನ್ಸ್ (ಆಂಟಿಗುವಾ): ವಜ್ರ ವ್ಯಾಪಾರಿ ಮೆಹುಲ್ ಚೋಕ್ಸಿ ಅವರ ʼಅಪಹರಣವುʼ ಅಂತರರಾಷ್ಟ್ರೀಯ ಅಪರಾಧವಾಗಿದ್ದು, ಇದರಿಂದ ಆಂಟಿಗುವಾ ಮತ್ತು ಬಾರ್ಬುಡಾಗೆ ಅಪಮಾನವಾಗಿದೆ ಎಂದು ಆಂಟಿಗುವಾ ಸಂಸತ್ನ ಪ್ರಮುಖ ವಿರೋಧ ಪಕ್ಷ ಯುನೈಟೆಡ್ ಪ್ರೊಗ್ರೆಸ್ಸಿವ್ ಪಾರ್ಟಿ (ಯುಪಿಪಿ) ನಾಯಕ ಕಿಡಿ ಕಾರಿದ್ದಾರೆ.
ʼಚೋಕ್ಸಿ ಅಪಹರಣವು ಅಂತರರಾಷ್ಟ್ರೀಯ ಅಪರಾಧವಾಗಿದ್ದು, ಅದು ಆಂಟಿಗುವಾ ಮತ್ತು ಬಾರ್ಬುಡಾಗೆ ಅಪಮಾನ ತಂದಿದೆʼ ಎಂದು ವರ್ಚುವಲ್ ಸಭೆ ವೇಳೆ ಯುಪಿಪಿಯ ಹರಾಲ್ಡ್ ಲೊವೆಲ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಚೋಕ್ಸಿ ಅವರನ್ನು ಆಂಟಿಗುವಾ ಮತ್ತು ಬಾರ್ಬುಡಾ ದ್ವೀಪದಿಂದ ಅಪಹರಿಸಲಾಗಿದೆ ಎಂದು ʼಆಂಟಿಗುವಾ ನ್ಯೂಸ್ರೂಂʼ ಮಾಡಿರುವ ವರದಿಯನ್ನು ಉಲ್ಲೇಖಿಸಿರುವ ಲೊವೆಲ್, ಆಂಟಿಗುವಾ ಸರ್ಕಾರವು ಪ್ರಕರಣದಲ್ಲಿ ಸಹ ಅಪರಾಧಿಯಾಗಿದೆ ಎಂದು ಗಂಭೀರ ಆರೋಪ ಮಾಡಿದ್ದಾರೆ.
ಚೋಕ್ಸಿ ಅವರನ್ನು ಆಂಟಿಗುವಾದಿಂದ ಡೊಮಿನಿಕಾಗೆ ಕರೆದೊಯ್ಯುವ ಕಾರ್ಯಾಚರಣೆಯಲ್ಲಿ ಭಾರತ ಮೂಲದವರೂ ಭಾಗಿಯಾಗಿದ್ದಾರೆ ಎಂಬುದನ್ನು ಬಿಂಬಿಸಿ ಕೆಲವುಚಿತ್ರಗಳು ಮತ್ತು ವಿಡಿಯೊಗಳನ್ನುಚೋಕ್ಸಿಯ ಕಾನೂನು ತಂಡವು ಬಿಡುಗಡೆ ಮಾಡಿದೆ ಎಂದೂʼಆಂಟಿಗುವಾ ನ್ಯೂಸ್ ರೂಂʼ ತನ್ನ ವರದಿಯಲ್ಲಿ ಉಲ್ಲೇಖಿಸಿದೆ.
ಮೇ23ರಿಂದ ನಾಪತ್ತೆಯಾಗಿದ್ದ ಚೋಕ್ಸಿ, ಬಳಿಕ ಡೊಮಿನಿಕಾದಲ್ಲಿ ಸೆರೆಸಿಕ್ಕಿದ್ದರು. ಭಾರತಕ್ಕೆ ಹಸ್ತಾಂತರಿಸುವ ಸಂಭಾವ್ಯತೆಯನ್ನು ತಪ್ಪಿಸಿಕೊಳ್ಳುವ ಸಲುವಾಗಿ ಆಂಟಿಗುವಾ ಮತ್ತು ಬಾರ್ಬುಡಾದಿಂದ ಪರಾರಿಯಾದ ಆರೋಪದ ಮೇಲೆ ಚೋಕ್ಸಿ ವಿರುದ್ಧ ʼಅಕ್ರಮ ಪ್ರವೇಶʼ ಆರೋಪದಡಿಡೊಮಿನಿಕಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಭಾರತದಲ್ಲಿ ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ ಬಹುಕೋಟಿ ವಂಚಿಸಿದ ಆರೋಪಎದುರಿಸುತ್ತಿರುವ ಚೋಕ್ಸಿ ವಿದೇಶದಲ್ಲಿ ತಲೆಮರೆಸಿಕೊಂಡಿದ್ದಾರೆ.
ಮತ್ತಷ್ಟು ಸುದ್ದಿಗಳು
*ಚೋಕ್ಸಿ ಅಕ್ರಮ ಪ್ರವೇಶ ಪ್ರಕರಣ ವಿಚಾರಣೆ ಜೂ. 25ಕ್ಕೆ ಮುಂದೂಡಿದ ಡೊಮಿನಿಕಾ ಕೋರ್ಟ್
*ನೋಡಿ: ಚೋಕ್ಸಿ ನನ್ನ 'ಶುಗರ್ ಡ್ಯಾಡಿ'ಯಲ್ಲ: ಬಾರ್ಬರಾ ಜರಾಬಿಕಾ ಸ್ಪಷ್ಟನೆ
*'ನನ್ನ ಅಪಹರಣದಲ್ಲಿ ಪ್ರೇಯಸಿ ಕೈವಾಡ': ಇಲ್ಲಿದೆ ಚೋಕ್ಸಿಗೆ ಬಾರ್ಬರಾ ಉತ್ತರ
*ಆಂಟಿಗುವಾ ಪೊಲೀಸರ ವೇಷದಲ್ಲಿದ್ದವರು ನನಗೆ ನಿರ್ದಯವಾಗಿ ಹೊಡೆದರು: ಮೆಹುಲ್ ಚೋಕ್ಸಿ
*ಚೋಕ್ಸಿ ಅಪಹರಣ ಆರೋಪದ ತನಿಖೆ: ಪ್ರಧಾನಿ ಗ್ಯಾಸ್ಟನ್ ಬ್ರೌನ್
*ಪೊಲೀಸ್ ಕಸ್ಟಡಿಯಲ್ಲಿರುವ ಮೆಹುಲ್ ಚೋಕ್ಸಿ ಫೋಟೊ ಪ್ರಕಟಿಸಿದ ಸ್ಥಳೀಯ ಮಾಧ್ಯಮ
*ಮೆಹುಲ್ ಚೋಕ್ಸಿ ಹಸ್ತಾಂತರ: ಭಾರತದಿಂದ ಖಾಸಗಿ ವಿಮಾನ ಬಂದಿದೆ ಎಂದ ಆಂಟಿಗುವಾ ಪಿಎಂ
*ಚೋಕ್ಸಿ ಭಾರತಕ್ಕೆ ನೇರ ಹಸ್ತಾಂತರ ಇಲ್ಲ: ಡೊಮಿನಿಕಾ ಪ್ರಧಾನಿ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.