ಅಫ್ಗನ್‌ ವಿಶ್ವವಿದ್ಯಾಲಯ: ಪುರುಷರಿಲ್ಲದ ಕೊಠಡಿಗಳಲ್ಲಿ ಮಹಿಳೆಯರಿಗೆ ಅವಕಾಶ

ಕಾಬೂಲ್‌: ಮಹಿಳೆಯರು ಸ್ನಾತಕೋತ್ತರ ಪದವಿಗಳನ್ನು ಒಳಗೊಂಡಂತೆ ವಿಶ್ವವಿದ್ಯಾಲಯಗಳಲ್ಲಿ ಅಧ್ಯಯನ ಮಾಡಬಹುದು. ಆದರೆ ಪುರುಷರು ಮತ್ತು ಮಹಿಳೆಯರಿಗೆ ಪ್ರತ್ಯೇಕ ತರಗತಿ ಕೊಠಡಿಗಳು ಇರಬೇಕು ಹಾಗೂ ಮಹಿಳೆಯರು ಇಸ್ಲಾಮಿಕ್ ಉಡುಗೆಯನ್ನು ಕಡ್ಡಾಯವಾಗಿ ಧರಿಸಿರಬೇಕು ಎಂದು ತಾಲಿಬಾನ್‌ ಸರ್ಕಾರದ ಉನ್ನತ ಶಿಕ್ಷಣ ಸಚಿವ ಅಬ್ದುಲ್‌ ಬಾಖಿ ಹಖ್ಖಾನಿ ತಿಳಿಸಿದ್ದಾನೆ.

ಭಾನುವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಈತ ಈ ಹೊಸ ನಿಯಮದಬಗ್ಗೆ ಮಾಹಿತಿ ನೀಡಿದ್ದಾನೆ.

ವಿಶ್ವವಿದ್ಯಾಲಯದಲ್ಲಿ ಮಹಿಳೆಯರು ಕಡ್ಡಾಯವಾಗಿ ಹಿಜಾಬ್‌ ಧರಿಸಬೇಕು ಎಂಬುದಾಗಿ ಹಖ್ಖಾನಿ ಹೇಳಿದ್ದಾನೆ. ಆದರೆ ಕೇವಲ ತಲೆಗೆ ಸ್ಕಾರ್ಫ್ (ಬಟ್ಟೆ) ಕಡ್ಡಾಯವೇ ಅಥವಾ ಮುಖವನ್ನು ಮುಚ್ಚಬೇಕೇ ಎಂಬುದರ ಬಗ್ಗೆ ನಿಖರ ಮಾಹಿತಿ ನೀಡಿಲ್ಲ.

ಇದನ್ನೂ ಓದಿ– ಅಫ್ಗಾನಿಸ್ತಾನದಲ್ಲಿ ವಿಶಾಲ ಮನಸ್ಥಿತಿ ಸರ್ಕಾರ ರಚನೆಗೆ ಭಾರತ, ಆಸ್ಟ್ರೇಲಿಯಾ ಆಗ್ರಹ