ನಿಮ್ಮ ತುಟಿಗಳ ಆರೈಕೆ ಹೀಗಿರಲಿ

ಚಳಿಗಾಲದಲ್ಲಿ ತುಟಿ ಒಣಗುವುದು ಹಾಗೂ ಬಿರಿಯುವುದು ಸಾಮಾನ್ಯ. ಶೀತ ಗಾಳಿ ಮತ್ತು ಕಡಿಮೆ ತೇವಾಂಶದಿಂದಾಗಿ ತುಟಿಗಳ ನೈಸರ್ಗಿಕ ತೇವಾಂಶ ಕಳೆದುಕೊಳ್ಳುತ್ತವೆ. ಆದರೆ, ಸರಿಯಾದ ಆರೈಕೆಯಿಂದ ನಿಮ್ಮ ತುಟಿಗಳನ್ನು ಮೃದು ಮತ್ತು ಆರೋಗ್ಯಕರವಾಗಿ ಕಾಪಾಡಿಕೊಳ್ಳಬಹುದಾಗಿದೆ.

ಚಿತ್ರ: ಗೆಟ್ಟಿ

ನೀರು ಕುಡಿಯುವುದು: ತುಟಿಗಳ ಆರೋಗ್ಯಕ್ಕೆ ದೇಹದಲ್ಲಿ ಸಾಕಷ್ಟು ನೀರಿನ ಪ್ರಮಾಣ ಇರುವುದು ಅತ್ಯಂತ ಅವಶ್ಯಕ. ಚಳಿಗಾಲದಲ್ಲಿ ಕಡಿಮೆ ನೀರು ಕುಡಿಯುವುದರಿಂದ ತುಟಿ ಒಡೆಯುವುದು ಹೆಚ್ಚು. ಆದ್ದರಿಂದ ದಿನಕ್ಕೆ ಕನಿಷ್ಠ 8 ರಿಂದ 10 ಲೋಟ ನೀರು ಕುಡಿಯುವುದು ಅತ್ಯಗತ್ಯ.

ಚಿತ್ರ: ಗೆಟ್ಟಿ

ಲಿಪ್ ಬಾಮ್ ಬಳಕೆ: ಉತ್ತಮ ಗುಣಮಟ್ಟದ ಲಿಪ್ ಬಾಮ್ ಅಥವಾ ತುಟಿಗಳ ಮಾಯ್ಕರೈಸರ್ ಬಳಸುವುದು ಮುಖ್ಯ. ಪೆಟ್ರೋಲಿಯಂ ಜೆಲ್ಲಿ, ಮೇಣ, ಶಿಯಾ ಬಟ್ಟರ್, ಕೋಕೋ ಬಟ್ಟರ್ ಮತ್ತು ವಿಟಮಿನ್ ಇ ಇರುವ ಉತ್ಪನ್ನಗಳನ್ನು ಆಯ್ಕೆ ಮಾಡಿ. ವಿಶೇಷವಾಗಿ ಹೊರಗೆ ಹೋಗುವ ಮುನ್ನ ಮತ್ತು ಮಲಗುವ ಮುನ್ನ ಲಿಪ್ ಬಾಮ್ ಹಚ್ಚಬೇಕು.

ಚಿತ್ರ: ಗೆಟ್ಟಿ

ಜೇನು: ಜೇನು ನೈಸರ್ಗಿಕ ಮಾಯಿಶ್ಚರೈಸರ್ ಮತ್ತು ಬ್ಯಾಕ್ಟಿರಿಯಾ ನಿರೋಧಕವಾಗಿದೆ. ತುಟಿಗಳಿಗೆ ಜೇನು ತುಪ್ಪ ಹಚ್ಚಿ 15 ನಿಮಿಷ ಬಿಟ್ಟು ನಂತರ ತೊಳೆದರೆ, ತುಟಿಗಳ ಮೃದುತ್ವ ಹೆಚ್ಚುತ್ತದೆ.

ಚಿತ್ರ: ಗೆಟ್ಟಿ

ತೆಂಗಿನ ಎಣ್ಣೆ: ತೆಂಗಿನ ಎಣ್ಣೆಯಲ್ಲಿರುವ ಕೊಬ್ಬಿನಾಮ್ಲಗಳು ತುಟಿಗಳನ್ನು ಪೋಷಿಸುತ್ತವೆ. ರಾತ್ರಿ ಮಲಗುವ ಮುನ್ನ ತೆಂಗಿನ ಎಣ್ಣೆ ಹಚ್ಚಿದರೆ ಬೆಳಿಗ್ಗೆ ತುಟಿಗಳು ಮೃದುವಾಗಿರುತ್ತವೆ.

ಚಿತ್ರ: ಗೆಟ್ಟಿ

ಎಕ್ಸ್‌ಫೋಲಿಯೇಶನ್ (ಸತ್ತ ಕೋಶಗಳನ್ನು ತೆಗೆಯುವುದು):
ವಾರಕ್ಕೆ ಎರಡು ಬಾರಿ ತುಟಿಗಳನ್ನು ಮೃದುವಾಗಿ ಸ್ಟ್ರಬ್ ಮಾಡುವುದು ಒಳ್ಳೆಯದು. ಸಕ್ಕರೆ ಮತ್ತು ಜೇನು ಬೆರೆಸಿ ಮನೆಯಲ್ಲೇ ಲಿಪ್ ಸ್ಟ್ರಿಬ್ ತಯಾರಿಸಬಹುದು. ಇದನ್ನು ವೃತ್ತಾಕಾರ ರೀತಿಯಲ್ಲಿ ಮೃದುವಾಗಿ ತುಟಿಗಳ ಮೇಲೆ ಉಜ್ಜಿ, ಬೆಚ್ಚಗಿನ ನೀರಿನಿಂದ ತೊಳೆಯಬೇಕು.

ಚಿತ್ರ: ಗೆಟ್ಟಿ