<p>ಗೋಣಿಕೊಪ್ಪಲು: ದಕ್ಷಿಣ ಕೊಡಗಿನ ಬುಡಕಟ್ಟು ಜನರ ಸಂಭ್ರಮದ ಕುಂಡೆ ಹಬ್ಬ ಬುಧವಾರ ಆರಂಭಗೊಂಡಿತು. ಕಾಫಿತೋಟ ಹಾಗೂ ಕಾಡು ಮೇಡುಗಳನ್ನು ಬಿಟ್ಟು ಮೈಗೆ ಸಿಕ್ಕಿದ ಬಣ್ಣ ಹಚ್ಚಿಕೊಂಡು, ವಿಚಿತ್ರ ವೇಷಧರಿಸಿದ ಗಿರಿಜನರು ಕುಣಿದು ಕುಪ್ಪಳಿಸುತ್ತಾ ಹಬ್ಬದ ಆಚರಣೆಗೆ ಮುನ್ನುಡಿ ಬರೆದರು.</p>.<p>ದಕ್ಷಿಣ ಕೊಡಗಿನ ಕುಟ್ಟ, ಶ್ರೀಮಂಗಲ, ಹುದಿಕೇರಿ, ನಾಲ್ಕೇರಿ, ಬಿರುನಾಣಿ, ಬಾಳೆಲೆ ಮೊದಲಾದ ಕಡೆಗಳಿಂದ ಗೋಣಿಕೊಪ್ಪಲು, ಪೊನ್ನಂಪೇಟೆ, ತಿತಿಮತಿ ಮೊದಲಾದ ಭಾಗಗಳಿಗೆ ಬಂದ ವೇಷಧಾರಿ ಯುವಕರು ಕೈಗೆ ಸಿಕ್ಕಿದ ವಸ್ತುಗಳನ್ನೇ ತಾಳಮೇಳ ಮಾಡಿಕೊಂಡು ಕುಣಿಯತ್ತಾ ಸಂಭ್ರಮಿಸಿದರು.</p>.<p>ಎದುರಿಗೆ ಬಂದ ಮಹಿಳೆ ಅಥವಾ ಪುರುಷರಿಗೆ ‘ಏ ಕುಂಡೆ’ ಎಂದೇ ಬೈಯುತ್ತಾ ಅಡ್ಡಗಟ್ಟಿ ಹಣ ಬೇಡಿದರು. ಬುಡಕಟ್ಟು ಜನರ ಈ ಸಂಭ್ರಮವನ್ನು ನೋಡುತ್ತಾ ಅವರು ಬೈದರು ಕೂಡ ಬೇಸರ ಮಾಡಿಕೊಳ್ಳದೆ ತಮಗೆ ಇಷ್ಟಬಂದಷ್ಟು ಹಣವನ್ನು ಕೊಟ್ಟು ಮುಂದಕ್ಕೆ ತೆರಳುತ್ತಿದ್ದರು.</p>.<p>ಕುಂಡೆ ಹಬ್ಬದ ವೇಷಧಾರಿಗಳು ಹಣ ಕೊಡದವರನ್ನೂ ಬೈಯುತ್ತಿದ್ದರು. ಕೊಟ್ಟವರನ್ನೂ ಬೈಯುತ್ತಿದ್ದರು. ಇದು ಒಂದು ರೀತಿಯಲ್ಲಿ ನೋಡುಗರಿಗೆ ಮಜ ನೀಡುತ್ತಿತ್ತು. ಹೊಸಬರು ಇವರ ಬೈಗುಳ ಕೇಳಿ ಅಚ್ಚರಿಪಟ್ಟು ಮೂಗಿನ ಮೇಲೆ ಬೆರಳಿಟ್ಟುಕೊಳ್ಳುತ್ತಿದ್ದರು.</p>.<p>ಕುಂಡೆ ಹಬ್ಬ ಆಚರಿಸುವ ಗಿರಿಜನ ವೇಷಧಾರಿಗಳು ಧರಿಸುವ ವೇಷಗಳನ್ನು ಇತರರು ಧರಿಸಿಕೊಂಡು ಅಶ್ಲೀಲವಾಗಿ ಬೈದರೆ ಅಂಥವರ ಮೇಲೆ ಕ್ರಮಕೈಗೊಳ್ಳಲಾಗುವುದು ಎಂಬ ಪೊಲೀಸ್ ವರಿಷ್ಠಾಧಿಕಾರಿ ಸೂಚನೆ ಮೇರೆಗೆ ಹೆಚ್ಚು ಜನ ಈ ಬಾರಿ ಪಟ್ಟಣಗಳಲ್ಲಿ ಕಂಡು ಬರಲಿಲ್ಲ. ಗಿರಿಜನರು ತೀರ ಅಶ್ಲೀಲವಾಗಿ ಬೈಯ್ಯುವುದು ಕಂಡ ಬರಲಿಲ್ಲ.</p>.<p><em>ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ</em><br />260528-51-582178177</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಗೋಣಿಕೊಪ್ಪಲು: ದಕ್ಷಿಣ ಕೊಡಗಿನ ಬುಡಕಟ್ಟು ಜನರ ಸಂಭ್ರಮದ ಕುಂಡೆ ಹಬ್ಬ ಬುಧವಾರ ಆರಂಭಗೊಂಡಿತು. ಕಾಫಿತೋಟ ಹಾಗೂ ಕಾಡು ಮೇಡುಗಳನ್ನು ಬಿಟ್ಟು ಮೈಗೆ ಸಿಕ್ಕಿದ ಬಣ್ಣ ಹಚ್ಚಿಕೊಂಡು, ವಿಚಿತ್ರ ವೇಷಧರಿಸಿದ ಗಿರಿಜನರು ಕುಣಿದು ಕುಪ್ಪಳಿಸುತ್ತಾ ಹಬ್ಬದ ಆಚರಣೆಗೆ ಮುನ್ನುಡಿ ಬರೆದರು.</p>.<p>ದಕ್ಷಿಣ ಕೊಡಗಿನ ಕುಟ್ಟ, ಶ್ರೀಮಂಗಲ, ಹುದಿಕೇರಿ, ನಾಲ್ಕೇರಿ, ಬಿರುನಾಣಿ, ಬಾಳೆಲೆ ಮೊದಲಾದ ಕಡೆಗಳಿಂದ ಗೋಣಿಕೊಪ್ಪಲು, ಪೊನ್ನಂಪೇಟೆ, ತಿತಿಮತಿ ಮೊದಲಾದ ಭಾಗಗಳಿಗೆ ಬಂದ ವೇಷಧಾರಿ ಯುವಕರು ಕೈಗೆ ಸಿಕ್ಕಿದ ವಸ್ತುಗಳನ್ನೇ ತಾಳಮೇಳ ಮಾಡಿಕೊಂಡು ಕುಣಿಯತ್ತಾ ಸಂಭ್ರಮಿಸಿದರು.</p>.<p>ಎದುರಿಗೆ ಬಂದ ಮಹಿಳೆ ಅಥವಾ ಪುರುಷರಿಗೆ ‘ಏ ಕುಂಡೆ’ ಎಂದೇ ಬೈಯುತ್ತಾ ಅಡ್ಡಗಟ್ಟಿ ಹಣ ಬೇಡಿದರು. ಬುಡಕಟ್ಟು ಜನರ ಈ ಸಂಭ್ರಮವನ್ನು ನೋಡುತ್ತಾ ಅವರು ಬೈದರು ಕೂಡ ಬೇಸರ ಮಾಡಿಕೊಳ್ಳದೆ ತಮಗೆ ಇಷ್ಟಬಂದಷ್ಟು ಹಣವನ್ನು ಕೊಟ್ಟು ಮುಂದಕ್ಕೆ ತೆರಳುತ್ತಿದ್ದರು.</p>.<p>ಕುಂಡೆ ಹಬ್ಬದ ವೇಷಧಾರಿಗಳು ಹಣ ಕೊಡದವರನ್ನೂ ಬೈಯುತ್ತಿದ್ದರು. ಕೊಟ್ಟವರನ್ನೂ ಬೈಯುತ್ತಿದ್ದರು. ಇದು ಒಂದು ರೀತಿಯಲ್ಲಿ ನೋಡುಗರಿಗೆ ಮಜ ನೀಡುತ್ತಿತ್ತು. ಹೊಸಬರು ಇವರ ಬೈಗುಳ ಕೇಳಿ ಅಚ್ಚರಿಪಟ್ಟು ಮೂಗಿನ ಮೇಲೆ ಬೆರಳಿಟ್ಟುಕೊಳ್ಳುತ್ತಿದ್ದರು.</p>.<p>ಕುಂಡೆ ಹಬ್ಬ ಆಚರಿಸುವ ಗಿರಿಜನ ವೇಷಧಾರಿಗಳು ಧರಿಸುವ ವೇಷಗಳನ್ನು ಇತರರು ಧರಿಸಿಕೊಂಡು ಅಶ್ಲೀಲವಾಗಿ ಬೈದರೆ ಅಂಥವರ ಮೇಲೆ ಕ್ರಮಕೈಗೊಳ್ಳಲಾಗುವುದು ಎಂಬ ಪೊಲೀಸ್ ವರಿಷ್ಠಾಧಿಕಾರಿ ಸೂಚನೆ ಮೇರೆಗೆ ಹೆಚ್ಚು ಜನ ಈ ಬಾರಿ ಪಟ್ಟಣಗಳಲ್ಲಿ ಕಂಡು ಬರಲಿಲ್ಲ. ಗಿರಿಜನರು ತೀರ ಅಶ್ಲೀಲವಾಗಿ ಬೈಯ್ಯುವುದು ಕಂಡ ಬರಲಿಲ್ಲ.</p>.<p><em>ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ</em><br />260528-51-582178177</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
