ಎಲ್ಲ ಲೇಖನಗಳು ಒಂದಲ್ಲ ಒಂದು ಬಗೆಯಲ್ಲಿ ನಮ್ಮ ಬದುಕಿಗೆ ಹತ್ತಿರವಾಗುತ್ತವೆ. ಉದಾಹರಣೆಗೆ ನಾವು ನಾವಾಗೋದು ಯಾವಾಗ? ಲೇಖನವು ಮನುಷ್ಯ ಸಂಬಂಧಗಳು ಜಾಳಾಗುತ್ತಿರುವುದು, ಅಸ್ತಿತ್ವ ಕಳೆದುಕೊಂಡ ಪತ್ರಗಳು, ಅಕ್ಷರ ಸಾಲುಗಳು, ಕಾಡುವ ನೆನಪುಗಳು ಇತ್ಯಾದಿ ವಿಷಯಗಳನ್ನು ಒಳಗೊಂಡಿದೆ. ಪುಟ್ಟ ಮಗುವಿಗೆ ಸಂಸ್ಕೃತಿ, ಸಂಸ್ಕಾರ, ಸಹಜವಾಗಿಯೇ ಸಾಂಸ್ಕೃತಿಕ ಲೋಕ ಪರಿಚಯಿಸುವ ಪರಿಯನ್ನೂ ಸ್ವಾನುಭವದಿಂದ ದಾಖಲಿಸಿದ್ದಾರೆ. ಅಪ್ಪನೆಂಬ ಅಂತರಂಗ, ಅಪ್ಪ ಎಂಬ ಮಹಾ ಒಗಟು... ಇಂಥ ಲೇಖನಗಳು ಅಮ್ಮನಷ್ಟೇ ಮೌಲ್ಯ ಅಪ್ಪನಿಗೂ ಸಿಗಬೇಕು ಎಂಬ ಆಶಯವನ್ನು ವ್ಯಕ್ತಪಡಿಸಿವೆ.
