ಮಹಾ ಮಳೆ ಚಿತ್ರಣ

7
ಕಲಾಪ

ಮಹಾ ಮಳೆ ಚಿತ್ರಣ

Published:
Updated:

ಮಳೆ ಎಂದಾಕ್ಷಣ ಅದೆಂಥದೋ ಪುಳಕ, ಸಂತಸ. ಚಿಕ್ಕವಯಸ್ಸಿನಲ್ಲಿ ಮಳೆ ನೀರಿನಲ್ಲಿ ಆಟವಾಡಿ ಅಮ್ಮನ ಹತ್ತಿರ ಬೈಸಿಕೊಂಡಿರುವ ನೆನಪುಗಳು ಕಾಡುತ್ತವೆ. ಆದರೆ ಈಗ ಮಳೆ ಎಂದರೆ ಕಳೆದ ಎರಡು ತಿಂಗಳ ಹಿಂದೆ ಸಂಭವಿಸಿದ ಭೀಕರ ಕೊಡಗು ಮತ್ತು ಕೇರಳ ಪ್ರವಾಹದ ದುಃಸ್ವಪ್ನಗಳೇ ಕಣ್ಮುಂದೆ ಕಾಡುತ್ತವೆ. 

ಆ ಪ್ರಾಕೃತಿಕ ವಿಕೋಪದ ಕರಾಳ ಚಿತ್ರಣವನ್ನು ಕಲಾಕೃತಿಗಳ ರೂಪದಲ್ಲಿ ಪ್ರದರ್ಶನಕ್ಕಿಟ್ಟಿದ್ದಾರೆ ಕಲಾವಿದ ಮಾಣಿಕ್ಯ ಪ್ರಭು ವಿ ಪಾಟೀಲ್‌. ಗುಲ್ಬರ್ಗದವರಾದ ಅವರು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಯೋಗದಲ್ಲಿ ‘ಟೊರೆಂಟ್‌’ ಏಕವ್ಯಕ್ತಿ ಪ್ರದರ್ಶನವನ್ನು ತಿಂಡ್ಲು ಮುಖ್ಯರಸ್ತೆಯ ಜಸ್ಟ್‌ ಇಮ್ಯಾಜಿನ್‌ ಆರ್ಟ್‌ ಗ್ಯಾಲರಿಯಲ್ಲಿ ಆಯೋಜಿಸಿದ್ದಾರೆ. 

ಅವರು ಐದನೇ ತರಗತಿಯಿಂದ ಚಿತ್ರಕಲೆಯತ್ತ ಒಲವು ತೋರಿದರು. ಶಾಲೆಯಲ್ಲಿ ವಿಜ್ಞಾನದ ಯೋಜನಾ ಕಾರ್ಯ ಚಟುವಟಿಕೆಗಳ ಎಲ್ಲಾ ಚಿತ್ರಗಳನ್ನು ಸ್ನೇಹಿತರಿಗೂ ಅವರೇ ಬಿಡಿಸಿಕೊಡುತ್ತಿದ್ದರಂತೆ. ಇವರ ಕಲೆಯಲ್ಲಿನ ಆಸಕ್ತಿ ಗುರುತಿಸಿದ ಅವರ ಅಣ್ಣ ಆರ್ಟ್‌ ಕಾಲೇಜಿಗೆ ಸೇರಿಸಿದರು. 

ಈಗಾಗಲೇ ಬೆಂಗಳೂರು, ಮಂಗಳೂರು, ಕಲಬುರ್ಗಿ, ಮೈಸೂರಿನಲ್ಲಿ ಕಲಾಕೃತಿಗಳ ಪ್ರದರ್ಶನಗಳನ್ನು ಮಾಡಿದ್ದಾರೆ. ಕಾಲೇಜು ಸಂದರ್ಭದಲ್ಲಿ ಇವರಿಗೆ ‘ಬೆಸ್ಟ್‌  ಕ್ರಾಫ್ಟ್‌ ಅವಾರ್ಡ್‌’, ’ಬೆಸ್ಟ್‌ ಪೇಂಟಿಂಗ್‌ ಅವಾರ್ಡ್‌’ ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಗುಲ್ಬರ್ಗಾ ವಿಶ್ವವಿದ್ಯಾಲಯದ ಎಂಎಂಕೆ ದೃಶ್ಯಕಲಾ ಕಾಲೇಜಿನಲ್ಲಿ ಎಂಎಫ್‌ಎ ಪದವಿ ಪಡೆದ ಇವರು ಸಂಪೂರ್ಣವಾಗಿ ಕಲೆಯಲ್ಲೇ ತನ್ನನ್ನು ತೊಡಗಿಸಿಕೊಂಡಿದ್ದಾರೆ. ಇವರು ಅಕ್ರೆಲಿಕ್‌, ತೈಲ, ಜಲ ವರ್ಣಗಳಲ್ಲಿ ಕಲಾಕೃತಿಗಳನ್ನು ರಚಿಸುತ್ತಾರೆ.

ಈ ಕಲಾಪ್ರದರ್ಶನದಲ್ಲಿ ಮಳೆ, ಪ್ರವಾಹ, ಅನಾಹುತ, ಸಾವು ನೋವು, ಪ್ರಕೃತಿ ನಾಶ, ಜನತೆಗೆ ಸಹಾಯ ಅಸ್ತ ನೀಡುವ ಪರಿ, ಪ್ರಾಣಿ ಪಕ್ಷಿಗಳ ರಕ್ಷಣೆ ಹೀಗೆ ಕೊಡಗು ಮತ್ತು ಕೇರಳದಲ್ಲಿನ ಅತಿವೃಷ್ಟಿಯಿಂದಾದ ಪರಿಣಾಮಗಳನ್ನು ಬಣ್ಣಗಳ ಮೂಲಕ ಜನರ ಮನಸ್ಸಿಗೆ ನಾಟುವಂತೆ ಕ್ಯಾನ್ವಾಸ್‌ ಮೇಲೆ ಕಲಾಕೃತಿಗಳನ್ನು ಚಿತ್ರಿಸಿ ಪ್ರದರ್ಶನಕ್ಕಿಟ್ಟಿದ್ದಾರೆ ಕಲಾವಿದ ಪಾಟೀಲ್‌.

ಈ ಚಿತ್ರಕಲಾ ಪ್ರದರ್ಶನಕ್ಕೆ ವಿವಿಧ ಥೀಮ್‌ಗಳನ್ನು ಆಯ್ಕೆಮಾಡಿಕೊಂಡಿದ್ದೆ. ಆದರೆ ಕೊನೆಗೆ ಮಹಾಮಳೆಯಿಂದ ಉಂಟಾದ ಪ್ರವಾಹದ ಚಿತ್ರಣದ ಬಗ್ಗೆಯೇ ಕಲಾಕೃತಿಗಳನ್ನು ರಚಿಸಿ ಪ್ರದರ್ಶನ ಮಾಡಬೇಕೆಂದು ಅಂದುಕೊಂಡೆ ಎಂದು ಮಾಣಿಕ್ಯ ಪ್ರಭು ವಿ ಪಾಟೀಲ್‌ ಹೇಳುತ್ತಾರೆ.

ಚಿತ್ರಕಲಾ ಪ್ರದರ್ಶನ
ಕಲಾವಿದ: ಮಾಣಿಕ್ಯ ಪ್ರಭು ವಿ ಪಾಟೀಲ್‌
ಸ್ಥಳ: ಜಸ್ಟ್‌ ಇಮ್ಯಾಜಿನ್‌ ಆರ್ಟ್‌ ಗ್ಯಾಲರಿ, ಪಾರ್ವತಮ್ಮ ಲೇಔಟ್‌, ತಿಂಡ್ಲು ಮುಖ್ಯರಸ್ತೆ, ನಾರಾಯಣ ಆಸ್ಪತ್ರೆ ಹತ್ತಿರ.
ಸಮಯ: ಬೆಳಿಗ್ಗೆ 10.30 ರಿಂದ ಸಂಜೆ 6, ಉಚಿತ ಪ್ರವೇಶ
ಸಂಪರ್ಕ:8095340599

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !