ಇಲ್ಲಿ ಮದುಮಗಳು ದಿನಾ ಅಳಬೇಕು

7

ಇಲ್ಲಿ ಮದುಮಗಳು ದಿನಾ ಅಳಬೇಕು

Published:
Updated:
Deccan Herald

ಮದುವೆ ಅಂದ್ರೆ ಸಂಭ್ರಮ, ಸಡಗರ. ಹೆಣ್ಣು – ಗಂಡು ಇಬ್ಬರೂ ಜೊತೆಗೂಡಿ ಹೊಸ ಸಂಸಾರಕ್ಕೆ ಮುನ್ನುಡಿ ಬರೆಯುವ ಸಮಯ. ಈ ಸಂದರ್ಭದಲ್ಲಿ ಎಲ್ಲರ ಮನೆಯಲ್ಲಿ ಖುಷಿ, ಸಂಭ್ರಮವೇ ತುಂಬಿರುತ್ತದೆ. 

ಆದರೆ ಚೀನಾದ ತುಜಿಯ ಎಂಬ ಜನಾಂಗದಲ್ಲಿ ಮದುಮಗಳು ಮದುವೆ ದಿನಕ್ಕಿಂತ ಒಂದು ತಿಂಗಳ ಮುಂಚಿನಿಂದಲೂ ಆಳುವುದಕ್ಕೆ ಆರಂಭಿಸುತ್ತಾರೆ. ಆಕೆ ದಿನಕ್ಕೆ ಒಂದು ಗಂಟೆ ಕಾಲ ಅಳುವುದು ಕಡ್ಡಾಯವಂತೆ. ಇದು  ಸಂಪ್ರದಾಯ. ಮದುವೆಗೆ ಇನ್ನೂ 10 ದಿನ ಉಳಿದಿದೆ ಅಂದಾಗ ಮದುಮಗಳ ತಾಯಿಯೂ ಮಗಳ ಜೊತೆ ಸೇರಿ ಅಳಲು ಶುರು ಮಾಡುತ್ತಾರೆ. ಬಳಿಕ ಒಂದೆರಡು ದಿನ ಕಳೆದು ಇವರಿಗೆ ಅಜ್ಜಿ ಜೊತೆಗೂಡುತ್ತಾರೆ. ಮೂರು ಜನ ಸೇರಿ ಜೋರು ಸ್ವರದಲ್ಲಿ ಒಂದು ಗಂಟೆ ಅಳುತ್ತಾರೆ. 

ಇನ್ನೇನು ಮದುವೆಗೆ ಒಂದೆರಡು ದಿನ ಉಳಿದಿದೆ ಎಂದಾಗ ಕುಟುಂಬದ ಎಲ್ಲಾ ಮಹಿಳಾ ಸದಸ್ಯರೂ ಇವರಿಗೆ ಸಾಥ್‌ ಕೊಡುತ್ತಾರೆ. ಇವರಿಗೆ ಅಳುವುದು ಒಳಿತಿನ ಸಂಕೇತವಂತೆ. ಇದು ಮನಸ್ಸಿನ ಸಂತೋಷ ಹಾಗೂ ಆಳವಾದ ಪ್ರೀತಿಯನ್ನು ತೋರಿಸುವ ರೀತಿ ಎಂದು ಅವರು ಹೇಳಿಕೊಂಡಿದ್ದಾರೆ. ಮಹಿಳೆಯರು ವಿವಿಧ ಸ್ವರಗಳಲ್ಲಿ ಅಳುವುದು ಸಹಾ ಹಾಡಿನಂತೆ ಕೇಳುತ್ತದೆ. ಅದರಲ್ಲಿ ಮದುವೆ ಬಗೆಗಿನ ಖುಷಿ ಹಾಗೂ ಸಂಭ್ರಮ ಕಾಣುತ್ತದೆ ಎಂದು ಆ ಜನರು ತಮ್ಮ ಸಂಪ್ರದಾಯದ ಹಿಂದಿನ ಗುಟ್ಟನ್ನು ಹೇಳಿಕೊಂಡಿದ್ದಾರೆ.

ಮದುವೆಯ ಬಳಿಕ ಅಳು ಬಂದ್. ಈ ಜನರ ನಂಬಿಕೆಯ ಪ್ರಕಾರ ಈ ರೀತಿಯಾಗಿ ಅಳುವುದು ಶೋಕವಲ್ಲ, ಬದಲಿಗೆ ಸಂತೋಷ ಮತ್ತು ಆಳವಾದ ಪ್ರೇಮದ ಸಂಕೇತ, ವೈವಾಹಿಕ ಜೀವನ ಸಂತೋಷದಿಂದ ಕೂಡಿರುತ್ತದೆ ಎಂಬುದು ಅಲ್ಲಿನ ಜನರ ನಂಬಿಕೆ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !