ಜಪಾನಿ ಸಂಸ್ಕೃತಿ, ಆಚಾರ, ವಿಚಾರ, ತಿಂಡಿ, ತಿನಿಸುಗಳೇ ಅಲ್ಲದೆ, ಜಪಾನಿ ಲಿಪಿ ಬರವಣಿಗೆ, ಇಕೆಬಾನಾ, ಜಪಾನಿ ಸಾಂಪ್ರದಾಯಿಕ ಉಡುಗೆ ತೊಡುವ ಕಾರ್ಯಕ್ರಮಗಳು ಈ ಬಾರಿಯ ಉತ್ಸವದಲ್ಲಿ ಜರುಗಲಿವೆ. ಜತೆಗೆ ಜಪಾನಿ ದೇಶಭಕ್ತಿ ಗೀತೆಗಳ ಗಾಯನ, ಬಾಲಿವುಡ್ ಸಿನಿಮಾ ಗೀತೆಗಳಿಗೆ ನೃತ್ಯ, ಬಾಲಿವುಡ್ ಚಿತ್ರಗೀತೆಗಳ ಹಾಗೂ ಕನ್ನಡ ಹಾಡುಗಳ ಗಾಯನವೂ ಇರುವುದು ವಿಶೇಷ.ಎರಡೂ ದೇಶಗಳ ಸಂಸ್ಕೃತಿಯ ವಿನಿಮಯಕ್ಕೆ ವೇದಿಕೆಯಂತಿರುವ ಈ ಹಬ್ಬದಲ್ಲಿ ಪಾಲ್ಗೊಳ್ಳಲು ಉಚಿತ ಪ್ರವೇಶವಿದೆ ಎಂದು ಪ್ರಕಟಣೆ ತಿಳಿಸಿದೆ.
