ಒಟ್ಟು 19 ಅಧ್ಯಾಯಗಳಲ್ಲಿ ಬಿ.ಪಿ.ಆರ್. ಅವರ ಜೀವನವನ್ನು ಲೇಖಕರು ಇಲ್ಲಿ ತೆರೆದಿಟ್ಟಿದ್ದಾರೆ. ಬಿ.ಪಿ.ಆರ್. ಅವರ ಆತ್ಮಚರಿತ್ರೆ ಬರೆಯಲೆಂದುದಶಕಗಳ ಹಿಂದೆ ನಡೆಸಿದ ಸಂದರ್ಶನವನ್ನೇ ಲೇಖಕರಾದ ಟಿ.ಎಂ.ಶಿವಶಂಕರ್ ಈ ಕೃತಿಗೆ ಮಾರ್ಗಸೂಚಿಯಾಗಿ ಬಳಸಿಕೊಂಡಿದ್ದಾರೆ. ಬಿ.ಪಿ.ಆರ್. ಅವರು ಹಂಚಿಕೊಂಡ ಘಟನೆಗಳು, ಮಾಹಿತಿಗಳ ಜೊತೆಗೆ ಅವರ ಸ್ನೇಹಿತರು, ನಿಕಟವರ್ತಿಗಳ ಜೊತೆಗಿನ ಮಾತುಕತೆ, ಭೂವಿಜ್ಞಾನ ಕ್ಷೇತ್ರದಲ್ಲಿನ ಕಾರ್ಯವೈಖರಿಯನ್ನು ಒಗ್ಗೂಡಿಸಿ ಬಿ.ಪಿ.ಆರ್. ಜೀವನವನ್ನು ಅಕ್ಷರಕ್ಕಿಳಿಸಿದ್ದಾರೆ ಲೇಖಕರು. ‘ಭೂಜಲ ಭಗೀರಥ’ ಎಂಬ ಬಿರುದನ್ನೇಕೆ ನೀಡಿದೆ ಎನ್ನುವುದನ್ನು ವಿವರಿಸುತ್ತಾ,
ಬಿ.ಪಿ.ಆರ್ ಅವರ ಸಾವಿನತನಕದವರೆಗಿನ ಪಯಣವನ್ನು ಲೇಖಕರು ಮೆಲುಕುಹಾಕಿದ್ದಾರೆ.‘ಶಿಸ್ತು, ಸಮಯಪ್ರಜ್ಞೆಗೆ ಹೆಸರಾಗಿದ್ದ ಅವರು ಅಂದಿನ ಕೈಗಾರಿಕಾ ಸಚಿವರಾಗಿದ್ದ ಎಸ್.ಎಂ. ಕೃಷ್ಣ ಅವರನ್ನು ಮಾತಿನಲ್ಲೇ ತಿವಿದ ಸನ್ನಿವೇಶ ಎಂಥದ್ದು, ಭೂವಿಜ್ಞಾನ ಇಲಾಖೆಯ ನಿರ್ದೇಶಕರಾಗಿ ಅವರ ಕಾರ್ಯವೈಖರಿ ಹೇಗಿತ್ತು, ಅವರ ಬಾಳಿನ ಮುಸ್ಸಂಜೆ ಹೇಗಿತ್ತು ಎನ್ನುವುದನ್ನು ವಿವರಿಸಿದ್ದಾರೆ.