ಶನಿವಾರ, ಫೆಬ್ರವರಿ 27, 2021
30 °C

ಪುಸ್ತಕ ವಿಮರ್ಶೆ: ಮುಗ್ಧ ಮನಸ್ಸನ್ನು ಅರಳಿಸುವ ಕವಿತೆಗಳು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಅವನೆಲ್ಲಿರುವನು ಹೇಳಮ್ಮ
ಲೇ: ಜಂಬುನಾಥ ಕಂಚ್ಯಾಣಿ
ಪ್ರ: ಮಾನ್ಯತಾ ಪ್ರಕಾಶನ
ಮೊ: 99011 11754

ಮಕ್ಕಳ ಸಾಹಿತ್ಯದಲ್ಲಿ ತೊಡಗಿಸಿಕೊಂಡ ಶಿಕ್ಷಕರ ಸಂಖ್ಯೆ ಬಲುದೊಡ್ಡದು. ಅದರಲ್ಲೂ ವಿಜಯಪುರ ಜಿಲ್ಲೆಯನ್ನು ಮಕ್ಕಳ ಸಾಹಿತ್ಯದ ತೊಟ್ಟಿಲು ಎಂದು ಕರೆಯುವಷ್ಟು ಆ ಭಾಗದಲ್ಲಿ ಮಕ್ಕಳ ಸಾಹಿತ್ಯದ ಲೇಖಕರಿದ್ದಾರೆ. ಅವರಲ್ಲಿ ಬಹುಪಾಲು ಶಿಕ್ಷಕರು ಎನ್ನುವುದು ವಿಶೇಷ. ಜಂಬುನಾಥ ಕಂಚ್ಯಾಣಿ ಸಹ ಮಕ್ಕಳಿಗಾಗಿ ಕಥೆ, ಶಿಶುಪ್ರಾಸ, ಕವಿತೆ, ನಾಟಕ ಬರೆಯುವುದನ್ನು ತಪಸ್ಸಿನಂತೆ ರೂಢಿಸಿಕೊಂಡು ಬಂದವರಲ್ಲಿ ಒಬ್ಬರು. ಅವರ ಇತ್ತೀಚಿನ ಸಚಿತ್ರ ಮಕ್ಕಳ ಕವಿತೆಗಳ ಕೃತಿಯೇ ‘ಅವನೆಲ್ಲಿರುವನು ಹೇಳಮ್ಮ’.

ಮಕ್ಕಳ ಕಿವಿಗೆ ಮೇಲಿಂದ ಮೇಲೆ ಬೀಳುವ ಪದಗಳನ್ನೇ ಬಳಸಿಕೊಂಡು ಅವರ ಮನ ಗೆಲ್ಲಬಲ್ಲ ಹಲವು ರಚನೆಗಳು ಇದರಲ್ಲಿವೆ. ಇಲ್ಲಿನ ಕವಿತೆಗಳು ತಾಜಾ ಆಗಿವೆ. ಮಕ್ಕಳ ಮುಗ್ಧ ಮನಸ್ಸನ್ನು ಅರಳಿಸುವುದಕ್ಕೆ ಪೂರಕವಾಗಿವೆ. ಅವರ ಕಲ್ಪನೆಗೆ ರೆಕ್ಕೆ ಮೂಡಿಸಲು ಈ ಕವಿತೆಗಳು ಹಾತೊರೆಯುತ್ತವೆ. ‘ಅಜ್ಜಿಯ ಸಂದರ್ಶನ’, ‘ಜಾಣ ಕೋಳಿಮರಿ’, ‘ಹೋಳಿಹಬ್ಬ’ ಕಚಗುಳಿ ಇಡುವ ಕವಿತೆಗಳು. ಹಾಗೆಯೇ ನಾಗಲಿಂಗಪ್ಪ ಬಡಿಗೇರ್‌ ಅವರ ಚಿತ್ರಗಳು ಮನಸೂರೆಗೊಳ್ಳುತ್ತವೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು