ಶುಕ್ರವಾರ, ಏಪ್ರಿಲ್ 10, 2020
19 °C

ಜೀವನ್ಮುಖಿ

ಹಂದಲಗೆರೆ ಗಿರೀಶ್ Updated:

ಅಕ್ಷರ ಗಾತ್ರ : | |

ಸುಖದ ನದಿ ಹರಿಯುತ್ತಿದೆ

ದುಃಖದ ದಡಗಳ ನಡುವೆ

ನೆನ್ನೆಯಿಂದ ನಾಳೆಗೆ ಜುಳು ಜುಳು..

 

ನಾಳೆ ಅರಿಯದ ಈ ಬಾಳು

ಹರಿವ ತೊರೆಯಲಿ ಮೊಗೆದ

ಬೊಗಸೆಯೊಳಗಿನ ನೀರು

ತುಟಿ ಇಟ್ಟು ಹೀರು

ಹನಿ ಹನಿಯಾಗಿ ಸೋರಿ ಹೋಗುವಾ ಮುನ್ನ..

 

ಕಾಲದ ತೊರೆ ಹರಿಯುತ್ತಿದೆ

ಹಗಲು ರಾತ್ರಿ ದಡಗಳ ನಡುವೆ

ಆದಿಯಿಂದ ಅನಂತದೆಡೆಗೆ...

 

ಯಾರ ಅಣತಿಗೂ ಕಾಯದ ಸಮಯ

ಅನಿತ್ಯ ಚಲನೆಯ ನಿಯಮ

ಕ್ಷಣ ಕ್ಷಣವನ್ನೂ ಬದುಕಿಬಿಡು

ಜೀವನ್ಮುಖಿಯಾಗಿ

ಹರಿದು ಸರಿದು ಹೋಗುವಾ ಮುನ್ನ...

 

ಹರಿದು ಕೂಡಿ ಕಡಲಾಗುವ ನದಿಗೆ

ನೂರಾರು ಆಸೆಯ ಒಡ್ಡು

ಸಿಡಿಮದ್ದು ಇಡು

ನಿಂತ ನೀರು ಮಲಿನವಾಗುವಾ ಮುನ್ನ

ನದಿ ಬೆತ್ತಲಾದರೂ

ತನ್ನಾಳ ಹರವು ತೋರದು

ಬಾಗಿ ಬಳುಕಿ ಚುಂಬಿಸುವ ಸೆಳವಿಗೆ

ಸವೆವ ದಡ ನಿತ್ಯ ನಿರಂತರ...

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)