ನಡುಮಧ್ಯಾಹ್ನದಲಿ ಮತ್ತೆ ಕೂಗಿತು ಹಕ್ಕಿ
ಸುತ್ತಲಿದ್ದರು ಅವಳ ಹಿರಿಯ ಗೆಳತಿಯರು
ಅಮ್ಮ ಹೇಳಿದ ಕತೆಯ ಬಣ್ಣಿಸಿ ಹೇಳಿದರೆ
ಕಣ್ಸನ್ನೆ ಮಾಡಿ ಕಿಲಕಿಲನೆ ನಕ್ಕರು
ಹುಚ್ಚು ಹುಡುಗಿ, ಗಂಡಿನಾಟ ತಿಳಿಯದವಳು
ಅಂದು ಅವರೊಂದಿಗೆ ಅಕ್ಕನೂ ಇರಲಿಲ್ಲ
ಹಸಿರ ಮರೆಯಲ್ಲವಳ ಬಿಗಿದಪ್ಪಿ, ಎದೆಸವರಿ
ಕೇಳಿಯೇಬಿಟ್ಟಿದ್ದ ಬಾವ ಕೇಳಬಾರದ್ದನ್ನು
ಪಾಪದ ಹುಡುಗಿ! ಆಡಲಾರಳು, ಅನುಭವಿಸಲಾರಳು
ಹಕ್ಕಿಯಾಗಿ ಹಾರಿಹೋದಳು
ಸತ್ಯವನ್ನೀಗ ಸಾರಿ ಹೇಳುತ್ತಾಳೆ
ಬಾವ್ ಕೇಳ್ದ, ಬಾವ್ ಕೇಳ್ದ….
ಅಮ್ಮಂದಿರಿಗದು ಅರ್ಥವೇ ಆಗದು ಕಣೇ