ಸ್ವರ್ಗವೀಗ ಸ್ವರ್ಗವಾಗುವ ಕಾಲ
ಅದೆಷ್ಟೋ ದಿನಮಾನಗಳು ಸಿಡಿದ ಮದ್ದು-ಗುಂಡುಗಳ
ಗಂಧಕದ ಘಮಟು- ಅಸಂಖ್ಯಾತ ದೇಶದ್ರೋಹಿ-
ದೇಶಪ್ರೇಮಿಗಳ ಹೆಣದ ವಾಸನೆಯನ್ನೂ
ಮಲೀನಗೊಂಡ ರಾಜಕಾರಣವನ್ನೂ
ಕಸ್ತೂರಿ, ಗಂಧ ಘಮಲಿನಿಂದ,
ಗುಲಾಬಿ ಮಿಂದ ಪವಿತ್ರ ಜಲದಿಂದ ತೊಳೆಯುವ ಕಾಲ
ಸ್ವರ್ಗಕ್ಕೀಗ ದೇವಾನು ದೇವತೆಗಳು ಬರಲಿದ್ದಾರೆ
ಕಣಿವೆಯ ಪಾಳು ಮನೆಯಲ್ಲಿ
ವಿಧವೆಯರೋ, ತಾಯಿಯರೋ
ಕಣ್ಣೀರ ಕಸೂತಿ ನೇಯುವುದು ಮುಗಿದಿಲ್ಲ
ದೇಶಭಕ್ತರ ಹೆಗಲ ಹೊದ್ದು ಸ್ವರ್ಗ ತಿರುಗಲು;
ಹಂಸವೇ ದೇಹದ ಹಾಲ್ಬಿಳುಪಿನ ಗರಿಯೊಂದ
ಅವರ ಮುಡಿಗಿರಿಸಿ ಪವಿತ್ರಳಾಗು.