ಶುಕ್ರವಾರ, ಸೆಪ್ಟೆಂಬರ್ 25, 2020
27 °C

ಕ್ಯಾರೆಟ್ ಮೆಲ್ಲುವ ಬಗ್ಸ್‌ನ ಕಥೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕಾರ್ಟೂನ್‌ಗಳನ್ನು ನೋಡಲು ಇಷ್ಟಪಡದ ಮಕ್ಕಳು ಯಾರಿದ್ದಾರೆ? ಮಕ್ಕಳ ಪಾಲಿಗೆ ರಮ್ಯ ಲೋಕವೊಂದನ್ನು ಸೃಷ್ಟಿಸುತ್ತವೆ ಕಾರ್ಟೂನ್‌ ಪಾತ್ರಗಳು. 1920 ಮತ್ತು 30ರ ದಶಕದ ಅವಧಿಯು ಆ್ಯನಿಮೇಟೆಡ್‌ ಕಾರ್ಟೂನ್‌ಗಳ ಪಾಲಿಗೆ ಸುವರ್ಣ ಯುಗವನ್ನು ತೆರೆದಿಟ್ಟಿತು. 1930ರ ದಶಕದ ಕೊನೆಯಲ್ಲಿ ಅಮೆರಿಕದ ಪ್ರಸಿದ್ಧ ವಾರ್ನರ್‌ ಬ್ರದರ್ಸ್‌ ಕಂಪನಿಯು ಮುದ್ದಾದ ಮೊಲದ ಕಾರ್ಟೂನ್‌ ಪಾತ್ರವೊಂದನ್ನು ಸೃಷ್ಟಿಸಿತು. ನಮಗೆ ಈಗ ಗೊತ್ತಿರುವ ಬಗ್ಸ್‌ ಬನ್ನಿ ಎಂಬ ಮೊಲದ ಪಾತ್ರ ಮೊದಲು ಕಾಣಿಸಿಕೊಂಡಿದ್ದು 1940ರ ಜುಲೈ 27ರಂದು – ‘ಅ ವೈಲ್ಡ್‌ ಹೇರ್‌’ ಎಂಬ ಕಾರ್ಟೂನ್‌ ಮೂಲಕ.

ಉದ್ದನೆಯ ಕಿವಿಗಳಿರುವ, ತುಂಟತನ ತುಂಬಿರುವ, ಸದಾ ಕ್ಯಾರೆಟ್‌ ಮೆಲ್ಲುವ, ಹಾಸ್ಯ ಪ್ರವೃತ್ತಿಯ ಈ ಮೊಲ ಜನಪ್ರಿಯತೆಯನ್ನು ಬಹಳ ವೇಗವಾಗಿ ಗಿಟ್ಟಿಸಿಕೊಂಡಿತು. ಜನಪ್ರಿಯತೆಯಲ್ಲಿ ಇದು ಮಿಕ್ಕಿ ಮೌಸ್‌ಗೆ ಸ್ಪರ್ಧೆ ನೀಡಿತು ಸಹ. ಟೆಕ್ಸ್ ಆವೆರಿ ನಿರ್ದೇಶನದ ‘ಅ ವೈಲ್ಡ್‌ ಹೇರ್‌’ ಆಸ್ಕರ್‌ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿತ್ತು.

ವಾರ್ನರ್‌ ಬ್ರದರ್ಸ್‌ ಕಂಪನಿಯ ಅತ್ಯಂತ ಪ್ರತಿಭಾನ್ವಿತ ತಂಡವೊಂದು ಬಗ್ಸ್ ಬನ್ನಿ ಪಾತ್ರವನ್ನು ಸೃಷ್ಟಿಸಿತ್ತು. ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ಆ್ಯನಿಮೇಟರ್‌ ಬೆನ್‌ ಬಗ್ಸ್‌ ಹಾರ್ಡವೇ ಎನ್ನುವವನ ಸಲಹೆ ಮೇರೆಗೆ ಇದನ್ನು ಸೃಷ್ಟಿಸಲಾಗಿತ್ತು. ಹಾಗಾಗಿ, ಈ ಪಾತ್ರದ ಮೊದಲ ಚಿತ್ರಕ್ಕೆ ‘ಬಗ್‌ನ ಬನ್ನಿ’ ಎಂಬ ಹೆಸರಿಡಲಾಗಿತ್ತು.

ಬಗ್ಸ್‌ ಬನ್ನಿ ಪಾತ್ರಕ್ಕೆ ಧ್ವನಿ ನೀಡಿದ್ದು ಮೆಲ್‌ ಬ್ಲಾಂಕ್ ಎಂಬ ವ್ಯಕ್ತಿ. ಈತ ಸರಿಸುಮಾರು 50 ವರ್ಷ ಧ್ವನಿ ನೀಡಿದ್ದ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.