ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬಾವಿ ಕಪ್ಪೆ

Last Updated 2 ಮಾರ್ಚ್ 2019, 19:45 IST
ಅಕ್ಷರ ಗಾತ್ರ

ಚಿಕ್ಕದೊಂದು ಬಾವಿಯಲ್ಲಿ

ಚೊಕ್ಕದಾದ ನೀರಿನಲ್ಲಿ

ಬಹಳ ಕಾಲದಿಂದ ಒಂದು ಕಪ್ಪೆ ಇತ್ತು,

ಬಾವಿಯೊಳಗೇ ಹಾಡಿ ಕುಣಿದು

ನನ್ನ ಲೋಕ– ನನ್ನ ಮನೆ

ನನ್ನದೇ ಬ್ರಹ್ಮಾಂಡವೆನುತ ಬೀಗುತಿತ್ತು.

ನದಿಯಿಂದ ಒಮ್ಮೆ ಹಾರಿ ಹಾರಿ

ಬಂದ ಇನ್ನೊಂದು ಕಪ್ಪೆ

ಬಾವಿಯಲ್ಲಿ ನೀರು ಕಂಡು

ನೆಗೆದುಬಿಟ್ಟಿತು,

ಬಾವಿ ಕಪ್ಪೆ ಕೋಪಗೊಂಡು

ಯಾರು ನೀನು? ಯಾವ ಊರು?

ಇಲ್ಲಿಗೇಕೆ ಬಂದೆ ಬೇಗ

ಹೇಳು ಎಂದಿತು.

ನದಿಯಿಂದ ಬಂದೆ ಗೆಳೆಯಾ

ಹಾದಿಯಲ್ಲಿ ಹೋಗುತಿದ್ದೆ

ಇಲ್ಲಿ ನಿಂತ ನೀರು ಕಂಡು

ಇಳಿದುಬಿಟ್ಟೆನು,

ಮೇಲೆ ಏರಲಾಗದೀಗ

ಕೆಟ್ಟು ಹೋದೆನು.

ಇರಲಿ ಇಲ್ಲೇ ಉಳಿದುಬಿಡು

ಹೇಳು ಈಗ ನಿನ್ನ ನದಿಯು

ಎಷ್ಟು ದೊಡ್ಡದು?

ನನ್ನ ಈ ಬಾವಿಗಿಂತ

ಎಷ್ಟು ಚಿಕ್ಕದು?

ನದಿಯ ಅಳೆಯಲಾಗದು

ಅಳೆದು ಹೋಲಿಸಲಾಗದು

ಇಂಥ ಬಾವಿ ಸಾವಿರಾರು

ಸೇರಿದರೂ ಮತ್ತೆ ನೂರು

ನದಿಯ ಉದ್ದ ಅಗಲ ಆಳ

ಎಂದೂ ಆಗದು.

ಬಾವಿ ಕಪ್ಪೆ ರೋಷದಿಂದ

ನೀನು ಬರೀ ಸುಳ್ಳುಗಾರ,

ಎಲ್ಲೂ ಇಲ್ಲ ಈ ವಿಶಾಲ

ನದಿಯ ತಂದು ಬೇಗ ತನಗೆ

ತೋರಿಸೆಂದಿತು

ನದಿಯ ಕಪ್ಪೆ ಬಾವಿ ಕಪ್ಪೆ

ಬಾವಿಯಲ್ಲೇ ಉಳಿದು ಬೆಳೆದು

ಇದೇ ಜಗಳ ನಿತ್ಯವೂ ನಡೆಯತೊಡಗಿತು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT