ಅಕ್ರಮ ದಾಸ್ತಾನು: 207 ಕ್ವಿಂಟಲ್ ಅಕ್ಕಿ ವಶ

7

ಅಕ್ರಮ ದಾಸ್ತಾನು: 207 ಕ್ವಿಂಟಲ್ ಅಕ್ಕಿ ವಶ

Published:
Updated:
ಅಕ್ರಮ ದಾಸ್ತಾನು: 207 ಕ್ವಿಂಟಲ್ ಅಕ್ಕಿ ವಶ

ಬಳ್ಳಾರಿ: ಅಕ್ರಮವಾಗಿ ಸಾಗಿಸುತ್ತಿದ್ದ ಹಾಗೂ ಗೋದಾಮುಗಳಲ್ಲಿ ದಾಸ್ತಾನು ಮಾಡಿದ್ದ 207 ಕ್ವಿಂಟಲ್‌ ಅಕ್ಕಿಯನ್ನು ಆಹಾರ ಇಲಾಖೆ ಸಿಬ್ಬಂದಿ ವಶಪಡಿಸಿಕೊಂಡಿರುವ ಪ್ರತ್ಯೇಕ ಘಟನೆಗಳು ತಾಲ್ಲೂಕಿನಲ್ಲಿ ಬುಧವಾರ ನಡೆದಿವೆ.



ನಗರದ ಎಪಿಎಂಸಿ ಮಾರುಕಟ್ಟೆ ಹಾಗೂ ಕುರುಗೋಡು ಗ್ರಾಮದ ಅಕ್ಕಿ ಗಿರಣಿಯ ಗೋದಾಮಿನಲ್ಲಿ ಈ ಅಕ್ಕಿ ಚೀಲಗಳು ಪತ್ತೆಯಾಗಿವೆ.

ಸ್ಥಳೀಯ ಎಪಿಎಂಸಿ ಬಳಿಯ ಗೋದಾಮಿಗೆ ಮಧ್ಯಾಹ್ನ ಅಕ್ಕಿ ಸಾಗಿಸುತ್ತಿದ್ದ ಲಾರಿಯನ್ನು ತಪಾಸಣೆ ಮಾಡಿ, ಅದರಲ್ಲಿದ್ದ 100 ಚೀಲವನ್ನು  (ಅಂದಾಜು ಮೌಲ್ಯ ₨ 1.20 ಲಕ್ಷ) ವಶಪಡಿಸಿಕೊಂಡು, ಚಾಲಕ ಇಲಿಯಾಸ್‌ ಎಂಬಾತನನ್ನು ಬಂಧಿಸಲಾಗಿದೆ. ಈ ಕುರಿತು ಎಪಿಎಂಸಿ ಯಾರ್ಡ್‌ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆದಿದೆ.



315 ಚೀಲ ಅಕ್ಕಿ ವಶ: ಅದೇರೀತಿ, ತಾಲ್ಲೂಕಿನ ಕುರುಗೋಡು ಗ್ರಾಮದಲ್ಲಿರುವ ದೊಡ್ಡ ಬಸವೇಶ್ವರ ಅಕ್ಕಿ ಗಿರಣಿ ಮೇಲೆ ಪೊಲೀಸರೊಂದಿಗೆ ದಿಢೀರ್‌ ದಾಳಿ ನಡೆಸಿದ ಆಹಾರ ಇಲಾಖೆ ಸಿಬ್ಬಂದಿ, ಅಲ್ಲಿ ದಾಸ್ತಾನು ಮಾಡಲಾಗಿದ್ದ ₨ 3.76 ಲಕ್ಷ ಮೌಲ್ಯದ 315 ಚೀಲ ಅಕ್ಕಿಯನ್ನು ವಶಪಡಿಸಿಕೊಂಡಿದೆ.



ಈ ಕುರಿತು ಗಿರಣಿ ಮಾಲೀಕ ರಮೇಶ ಚೌಧರಿ ವಿರುದ್ಧ ಕುರುಗೋಡು ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಲಾಗಿದೆ.



‘ಮೇಲ್ನೋಟಕ್ಕೆ ಈ ಅಕ್ಕಿಯು ಪಡಿತರ ವಿತರಣಾ ವ್ಯವಸ್ಥೆ ಅಡಿ ವಿತರಣೆಗೆ ಬಿಡುಗಡೆ ಮಾಡಲಾಗಿದ್ದ ಅಕ್ಕಿಯಂತಿದೆ. ಈ ಕುರಿತು ಸೂಕ್ತ ದಾಖಲೆಗಳನ್ನು ನೀಡದಿರುವ ಹಿನ್ನೆಲೆಯಲ್ಲಿ ವಶಪಡಿಸಿಕೊಂಡು ವಿಚಾರಣೆ ನಡೆಸಲಾಗುತ್ತಿದೆ’ ಎಂದು ಆಹಾರ ಮತ್ತು ನಾಗರಿಕ ಪೂರೈಕೆ ಇಲಾಖೆ ಉಪನಿರ್ದೇಶಕ ಮಂಟೆಸ್ವಾಮಿ ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry