ಮಂಗಳವಾರ, ಮೇ 11, 2021
24 °C

ಅಡ್ವಾಣಿ ರಥಯಾತ್ರೆಗೆ ಪ್ರಗತಿಪರರ ಖಂಡನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು:  ಬಿಜೆಪಿ ಹಿರಿಯ ನಾಯಕ ಎಲ್.ಕೆ.ಅಡ್ವಾಣಿ ಕೈಗೊಳ್ಳಲು ನಿರ್ಧರಿಸಿರುವ ಭ್ರಷ್ಟಾಚಾರದ ವಿರುದ್ಧದ ರಥಯಾತ್ರೆಯನ್ನು ಪ್ರಗತಿಪರ ಸಂಘಟನೆಗಳ ಮುಖಂಡರು ತೀವ್ರವಾಗಿ ಖಂಡಿಸಿದರು.



ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ದಲಿತ ಪ್ಯಾಂಥರ್ಸ್‌ ಆಫ್ ಇಂಡಿಯಾದ ರಾಜ್ಯ ಘಟಕದ ಕಾರ್ಯದರ್ಶಿ ಚಂದ್ರಶೇಖರ್ ಮಾತನಾಡಿ, `ಅಡ್ವಾಣಿ ಅವರು ಕೈಗೊಂಡಿರುವ ರಥಯಾತ್ರೆಯು ಭ್ರಷ್ಟಾಚಾರದ ಉದ್ದೇಶ ಹೊಂದಿಲ್ಲ. ಇದರ ಹಿಂದೆ ರಾಜಕೀಯ ಉದ್ದೇಶವಿದೆ. ದೇಶದಲ್ಲಿ ಹಿಂದುತ್ವ ಬಲಪಡಿಸುವ ಸಲುವಾಗಿ ಕೈಗೊಂಡಿರುವ ಯಾತ್ರೆಯಾಗಿದೆ~ ಎಂದು ಅವರು ಟೀಕಿಸಿದರು.



`ರಾಮ ಮಂದಿರ ನಿರ್ಮಾಣ ವೇಳೆ ಕೈಗೊಂಡಿದ್ದ ಯಾತ್ರೆಯಿಂದ ಕೋಮು ಸಂಘರ್ಷಗಳು ಉಂಟಾಗಿತ್ತು. ಇದರಿಂದ ಸಾವು ನೋವುಗಳು ಕೂಡ ಸಂಭವಿಸಿತ್ತು. ಭ್ರಷ್ಟಾಚಾರ ವಿರುದ್ಧ ಯಾತ್ರೆಗೆ ಅಡ್ಡಿ ಇಲ್ಲ. ಆದರೆ ಆಡ್ವಾಣಿ ನೇತೃತ್ವದ ಯಾತ್ರೆಗೆ ಸಂಘಟನೆಯ ವಿರೋಧವಿದೆ~ ಎಂದು ಹೇಳಿದರು.



ಜಾತಿ ವಿನಾಶ ವೇದಿಕೆಯ ರಾಜ್ಯ ಘಟಕದ ಅಧ್ಯಕ್ಷ ಲಕ್ಷಣ್ ಮಾತನಾಡಿ, `ರಥಯಾತ್ರೆಯು ದೇಶದಲ್ಲಿ ಮತ್ತೆ ಕೋಮು ಸಂಘರ್ಷಕ್ಕೆ ಎಡೆಮಾಡಿಕೊಡಲಿದೆ. ಯಾತ್ರೆಯು ಕೇವಲ ನೆಪ ಮಾತ್ರವಾಗಿದ್ದು, ಮುಂಬರುವ ಲೋಕಸಭೆ ಚುನಾವಣೆಗೆ ಸಿದ್ದತೆ ನಡೆಸುವ ದುರುದ್ದೇಶ ಯಾತ್ರೆಯಲ್ಲಿದೆ~ ಎಂದರು.



`ಯಾವುದೇ ಸರ್ಕಾರಗಳಾಗಲೀ ಕೋಮು ಸಾಮರಸ್ಯ ಕದಡುವ ಯಾತ್ರೆಗಳನ್ನು ನಡೆಸಲು ಅನುಮತಿ ನೀಡಬಾರದು. ಕೋಮುವಾದಿಗಳು ನಡೆಸುವ ಯಾತ್ರೆಗೆ ಯಾರೂ ಪ್ರೋತ್ಸಾಹಿಸಬಾರದು~ ಎಂದು ಮನವಿ ಮಾಡಿದ ಅವರು, `ಯಾತ್ರೆಗೆ ಅನುಮತಿ  ನೀಡಿದ್ದೇ ಆದರೆ ಆ ವೇಳೆ ಉಂಟಾಗುವ ಅನಾಹುತಗಳಿಗೆ ರಥಯಾತ್ರೆ   ನಡೆಸುವವರನ್ನೇ ಹೊಣೆಗಾರರನ್ನಾಗಿ ಮಾಡಬೇಕು~ ಎಂದು ಸರ್ಕಾರವನ್ನು ಆಗ್ರಹಿಸಿದರು.



ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ರಾಜ್ಯ ಘಟಕದ ಅಧ್ಯಕ್ಷ ಇಲ್ಯಾಸ್ ಮಹಮದ್ ತುಂಬೆ, ದಲಿತ ಕ್ರೈಸ್ತ ಒಕ್ಕೂಟದ ಫಾದರ್ ಮನೋಹರ್ ಚಂದ್ರ ಪ್ರಸಾದ್ ಮತ್ತಿತರರು ಉಪಸ್ಥಿತರಿದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.