ಅಥ್ಲೆಟಿಕ್ಸ್‌: ಬೆಳ್ಳಿ ಗೆದ್ದ ಜ್ಯೋತಿ

7

ಅಥ್ಲೆಟಿಕ್ಸ್‌: ಬೆಳ್ಳಿ ಗೆದ್ದ ಜ್ಯೋತಿ

Published:
Updated:

ರಾಂಚಿ (ಪಿಟಿಐ): ಮೊದಲ ದಿನ ನಿರಾಸೆ ಅನುಭವಿಸಿದ್ದ ಕರ್ನಾಟಕ ಇಲ್ಲಿ ನಡೆಯುತ್ತಿರುವ 53ನೇ ರಾಷ್ಟ್ರೀಯ ಮುಕ್ತ ಅಥ್ಲೆಟಿಕ್ ಚಾಂಪಿಯನ್‌ಷಿಪ್‌­ನಲ್ಲಿ ಎರಡನೇ ದಿನ ಒಂದು ಬೆಳ್ಳಿ ಪದಕ ಗೆದ್ದುಕೊಂಡಿತು. ಇದಕ್ಕೆ ಕಾರಣ­ವಾಗಿದ್ದು ಭರವಸೆಯ  ಅಥ್ಲೀಟ್ ಎಚ್‌.ಎಂ. ಜ್ಯೋತಿ.



ಮಹಿಳೆಯರ 100 ಮೀಟರ್‌ ಓಟದ ಸ್ಪರ್ಧೆಯಲ್ಲಿ ಜ್ಯೋತಿ 11.87 ಸೆಕೆಂಡ್‌ಗಳಲ್ಲಿ ಗುರಿ ಮುಟ್ಟಿ ಈ ಸಾಧನೆ ಮಾಡಿದರು. ಒಎನ್‌ಜಿಸಿಯ ಧ್ಯುತಿ ಚಂದ್‌ 11.73 ಸೆಕೆಂಡ್‌ಗಳಲ್ಲಿ ಗುರಿ ತಲುಪಿ ಚಿನ್ನದ ಸಾಧನೆ ಮಾಡಿದರು. ಈ ವಿಭಾಗದ ಕಂಚು ರೈಲ್ವೆಯ ಮರ್ಲಿನ್‌ ಕೆ. ಜೋಸೆಫ್‌ (ಕಾಲ: 11.95ಸೆ.) ಪಾಲಾಯಿತು.



ಆದರೆ, ಜೋಸೆಫ್‌ ಸೆಮಿಫೈನಲ್‌ ಹೀಟ್‌ನಲ್ಲಿ 13 ವರ್ಷಗಳ ಹಿಂದಿನ ದಾಖಲೆಯನ್ನು ಅಳಿಸಿ ಹಾಕಿ ಫೈನಲ್‌ ತಲುಪಿದ್ದರು. ನಿಗದಿತ ಗುರಿಯನ್ನು ಈ ಅಥ್ಲೀಟ್‌ 11.35 ಸೆಕೆಂಡ್‌ಗಳಲ್ಲಿ ಮುಟ್ಟಿದ್ದರು. ಆದರೆ, ಫೈನಲ್‌ನಲ್ಲಿ ಅವರು ಮೊದಲಿನಂತೆ ಓಡುವಲ್ಲಿ ವಿಫಲರಾದರು. ಈ ಸ್ಪರ್ಧೆಯ ವೇಳೆ ಮಳೆಯೂ ಕಾಡಿತು. ಮಹಿಳೆಯರ 800 ಮೀಟರ್‌ ಸ್ಪರ್ಧೆಯಲ್ಲಿ ಟಿಂಟು ಲೂಕಾ ಚಿನ್ನ ಜಯಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry