ಅಪವಿತ್ರ ಮೈತ್ರಿಯಿಂದ ಸಮಸ್ಯೆ ಕಗ್ಗಂಟು?

7

ಅಪವಿತ್ರ ಮೈತ್ರಿಯಿಂದ ಸಮಸ್ಯೆ ಕಗ್ಗಂಟು?

Published:
Updated:

ಬೆಂಗಳೂರು:  ರಾಜಕಾರಣಿಗಳು, ಗುತ್ತಿಗೆದಾರರು ಹಾಗೂ ಕೆಳಹಂತದ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ನೌಕರರ ನಡುವಿನ ಅಪವಿತ್ರ ಮೈತ್ರಿ ಪರಿಣಾಮದಿಂದ ತ್ಯಾಜ್ಯ ವಿಲೇವಾರಿ ಸಮಸ್ಯೆ ಬೃಹದಾಕಾರವಾಗಿ ಬೆಳೆಯುತ್ತಿದೆ ಎನ್ನುವ ಅನುಮಾನವನ್ನು ಹೆಸರು ಹೇಳಲಿಚ್ಛಿಸದ ಬಿಬಿಎಂಪಿ ಅಧಿಕಾರಿಯೊಬ್ಬರು ವ್ಯಕ್ತಪಡಿಸಿದ್ದಾರೆ.



`ಮೂಲದಲ್ಲೇ ಕಸ ಬೇರ್ಪಡೆ ಹಾಗೂ ತ್ಯಾಜ್ಯದ ವೈಜ್ಞಾನಿಕ ವಿಲೇವಾರಿ ಸಮಂಜಸವಾಗಿ ನಡೆಯದಿರಲು ಈ ಬಾಂಧವ್ಯವೇ ಕಾರಣ. ಮೂಲದಲ್ಲೇ ಕಸ ಪ್ರತ್ಯೇಕ ಮಾಡುವ ಪ್ರಕ್ರಿಯೆಗೆ ಉತ್ತೇಜನ ನೀಡಲು ಸಚಿವರು, ಶಾಸಕರು ಏಕೆ ಮುಂದಾಗುತ್ತಿಲ್ಲ~ ಎಂದು ಪ್ರಶ್ನಿಸಿರುವ ಅವರು, `ವಾರ್ಡ್‌ಮಟ್ಟದ ಎಂಜಿನಿಯರ್‌ಗಳಿಗೂ ಈ ವಿಷಯವಾಗಿ ಆಸಕ್ತಿ ಇಲ್ಲ. ಕೆಲವು ನಾಗರಿಕ ಸಂಘಟನೆಗಳು ಮತ್ತು ಸರ್ಕಾರೇತರ ಸಂಸ್ಥೆಗಳು ಮಾತ್ರ ಕಸ ಬೇರ್ಪಡೆ ಕುರಿತಂತೆ ಜಾಗೃತಿ ಮೂಡಿಸಲು ಯತ್ನಿಸುತ್ತಿವೆ~ ಎಂದು ಹೇಳಿದ್ದಾರೆ.



`ಕಸ ಒಯ್ದು ಸುರಿಯುವಲ್ಲಿ ದೊಡ್ಡ ಪ್ರಮಾಣದ ಹಣ ಹೂಡಿಕೆ ಆಗುತ್ತಿರುವುದೇ ಇಂತಹ ಕಾನೂನುಬಾಹಿರ ಬಾಂಧವ್ಯಕ್ಕೆ ಕಾರಣವಾಗಿದೆ~ ಎಂದು ಅವರು ದೂರಿದ್ದಾರೆ. `ಬಿಬಿಎಂಪಿ ಪ್ರತಿವರ್ಷ ತ್ಯಾಜ್ಯ ವಿಲೇವಾರಿಗಾಗಿ ರೂ 450 ಕೋಟಿ ಖರ್ಚು ಮಾಡುತ್ತಿದ್ದು, ಅದರಲ್ಲಿ 300 ಕೋಟಿ ಮೊತ್ತವನ್ನು ಕೇವಲ ಸಾಗಾಟಕ್ಕಾಗಿ ವ್ಯಯಿಸಲಾಗುತ್ತದೆ. ಪಾಲಿಕೆ ದಾಖಲೆಗಳ ತನಿಖೆ ಮಾಡಿದರೆ ಕನಿಷ್ಠ ಪಕ್ಷ ಅರ್ಧದಷ್ಟು ನಕಲಿ ಬಿಲ್‌ಗಳು ಸಿಗುತ್ತವೆ~ ಎಂದು ಅವರು ಹೇಳಿದ್ದಾರೆ.



ಚುನಾವಣಾ ವರ್ಷ ಸಮೀಪಿಸಿದ್ದರಿಂದ ಹಣ ಮಾಡಲು ಹಲವು ರಾಜಕಾರಣಿಗಳಿಗೆ ತ್ಯಾಜ್ಯ ವಿಲೇವಾರಿ ಒಂದು ಸಾಧನವಾಗಿದೆ ಎಂದು ಅವರು ಅಭಿಪ್ರಾಯಪಟ್ಟರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry