ಶುಕ್ರವಾರ, ಮಾರ್ಚ್ 5, 2021
26 °C

ಅರಂತೋಡು: ‘ನಮ್ಮ ರಸ್ತೆ’ಯಲ್ಲಿ ಬಿರುಕು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಅರಂತೋಡು: ‘ನಮ್ಮ ರಸ್ತೆ’ಯಲ್ಲಿ ಬಿರುಕು

ಸುಳ್ಯ: ಅರಂತೋಡಿನಿಂದ ಬಿಳಿಯಾ­ರಿಗಾಗಿ ಮರ್ಕಂ­ಜದ ರೆಂಜಾಳಕ್ಕೆ ಸಂಪರ್ಕ ಕಲ್ಪಿಸುವ ‘ನಮ್ಮ ಗ್ರಾಮ- ನಮ್ಮ ರಸ್ತೆ ಕಳು ಬೈಲು ಎಂಬಲ್ಲಿ ಬಿರುಕು ಕಾಣಿಸಿ­ಕೊಂಡಿದೆ. ಇಲ್ಲಿ ವಾಹನ ಸಂಚಾರ ಸ್ಥಗಿತವಾಗುವ ಸಾಧ್ಯತೆ ಎದುರಾಗಿದೆ.



ಕಳುಬೈಲು ಶಾಲೆಯ ಬಳಿ ರಸ್ತೆಗೆ ಮೋರಿ ರಚಿಸಿ, ಅದರ ಮೇಲೆ ಸುಮಾ­ರು 20 ಅಡಿ ಮಣ್ಣು ತುಂಬಿದ್ದು, ವಾರದ ಹಿಂದೆ ಬಂದ ಮಳೆಗೆ ರಸ್ತೆ­ಯಲ್ಲಿ ಬಿರುಕು ಕಾಣಿಸಿಕೊಂಡಿದೆ. ಇಷ್ಟು ಪ್ರಮಾಣದಲ್ಲಿ ಮಣ್ಣು ತುಂಬಿ­ಸಿ­ದ್ದರು. ಬದಿಗೆ ಕಲ್ಲು ಕಟ್ಟದೇ ಹಾಗೇ ಬಿಟ್ಟಿರುವುದು ಅಲ್ಲದೆ, ಹಾಕಿದ ಮಣ್ಣು ಗಟ್ಟಿಯಾಗದೇ ಡಾಮರು ಹಾಕಿದ್ದು ಇದಕ್ಕೆ ಕಾರಣ ಎನ್ನುತ್ತಾರೆ ಸ್ಥಳೀಯರು.



ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆ­ಯಡಿ ಹಲವು ಗ್ರಾಮೀಣ ಸಂಪರ್ಕ ರಸ್ತೆಗಳು ಅಭಿವೃದ್ಧಿ­ಗೊಂಡಿವೆ. ಆದರೆ 2 ವರ್ಷಗಳ ಹಿಂದೆ ಕೇಂದ್ರ ಸರ್ಕಾರ ಈ ಯೋಜನೆಯನ್ನು ಸ್ಥಗಿತಗೊಳಿಸಿದಾಗ ಈ ಯೋಜನೆ­ಯಡಿ ಅಭಿವೃದ್ಧಿಗೆ ಶಿಫಾರಸು ಮಾಡಿದ ರಸ್ತೆಗಳು ಅತಂತ್ರವಾದವು. ಈ ಸಂದರ್ಭ ಆಗಿನ ಬಿಜೆಪಿ ಸರ್ಕಾರ ಮುಖ್ಯಮಂತ್ರಿ ಸಡಕ್ ಯೋಜನೆ ಹೆಸರಿನಲ್ಲಿ ‘ನಮ್ಮ ಗ್ರಾಮ ನಮ್ಮ ರಸ್ತೆ’ ಎಂಬ ಹೊಸ  ಯೋಜನೆಯನ್ನು ಆರಂಭಿಸಿತು.



ಅರಂತೋಡು ಗ್ರಾಮದ ಬಿಳಿಯೂರಿ­ನಿಂದ ದೇರಾಜೆ ಮೂಲಕ ಕಳುಬೈಲು-ಅಡ್ಕಬಳೆಗಾಗಿ ಮರ್ಕಂಜ ಗ್ರಾಮದ ರೆಂಜಾಳಕ್ಕೆ ಸಂಪರ್ಕಿಸುವ ಹತ್ತೂವರೆ ಕಿ.ಮೀ. ರಸ್ತೆಯನ್ನು ಅಭಿವೃದ್ಧಿಪಡಿಸಿ ಡಾಮರೀ­ಕರಣ ಮಾಡಲು ₨ 3.65 ಕೋಟಿ ವೆಚ್ಚದಲ್ಲಿ ಯೋಜನಾ ವರದಿ ತಯಾರಿಸಿ ಟೆಂಡರ್ ಆಗಿ 2012ರಲ್ಲಿ ಕಾಮಗಾರಿ ಆರಂಭವಾಗಿತ್ತು. ಅದ­ರಂತೆ ಬಿಳಿಯಾರಿನಿಂದ ದೇರಾಜೆವರೆಗೆ ಹಾಗೂ ಕಳುಬೈಲಿನಿಂದ ಅಡ್ಕಬಳೆ ಮೂಲಕ ರೆಂಜಾಳ­ದವರೆಗೆ ಡಾಮರೀ­ಕರಣ ಪೂರ್ಣಗೊಂಡಿದೆ. 



ಬಿಳಿ­ಯಾ­ರು, ದೇರಾಜೆ, ಕಳುಬೈಲು, ಅಡ್ಕಬಳೆ, ರೆಂಜಳ ರಸ್ತೆಯನ್ನು ಮುಖ್ಯ­ಮಂತ್ರಿಗಳ ಸಡಕ್ ಯೋಜನೆಯಡಿ  2012ರಲ್ಲಿ ₨ 5.5 ಕೋಟಿ ಅಂದಾ­ಜು­ ಪಟ್ಟಿ ಮಾಡಿ ಸರ್ಕಾರಕ್ಕೆ ಕಳುಹಿಸ­ಲಾಗಿತ್ತು. ಆದರೆ ಈ ಯೋಜನೆಯಡಿ ₨ 3.5 ಕೋಟಿಗಿಂತ ಹೆಚ್ಚು ಮೊತ್ತ­ವನ್ನು ನೀಡಲು ಅವಕಾಶ­ವಿಲ್ಲ ಎಂದು ಅದನ್ನು ಕಡಿಮೆ ಅನುದಾನ ಮಂಜೂ­ರಾಗಿತ್ತು.



ಅಲ್ಲದೆ, ಬಂದ ಅನುದಾನ ಪೂರ್ತಿ ಖರ್ಚು ಮಾಡಲಾಗಿದೆ. 2.5 ಕಿ.ಮೀ. ಕಾಮಗಾರಿ ಬಾಕಿ­ಯಾಗಿದೆ. ಇದು ಅರಣ್ಯ ವ್ಯಾಪ್ತಿಯಲ್ಲಿ ಬರುವು­ದರಿಂದ ಮತ್ತು ಅಗಲ ಮಾಡಲು ಆಗದೇ ಇರುವು­ದ­ರಿಂದ ಏರು ತಗ್ಗು ರಸ್ತೆಯಾಗಿರುವುದರಿಂದ ಅದನ್ನು ಕೈಬಿಡಲಾಗಿದೆ.

ಈ ವಿಷಯವನ್ನು ಶಾಸಕರ ಗಮನಕ್ಕೆ ತರಲಾಗಿದೆ ಮತ್ತು ಸರ್ಕಾರಕ್ಕೆ ತಿಳಿಸಲಾಗಿದೆ. ಉಳಿದಂತೆ ಬಿಳಿಯಾ­ರಿನ ಬಳಿ ಹೆದ್ದಾರಿ ಕಾಮ­ಗಾರಿ ಮುಗಿದ ಬಳಿಕ ಅದಕ್ಕೆ ಹೊಂದಿ­ಕೊಂಡು 800 ಮೀಟರ್ ಡಾಮರೀ­ಕರಣ ಮಾಡಲಾಗುತ್ತದೆ.ಪೈಪ್‌ಲೈನ್ ಕಾಮಗಾರಿ­ಯನ್ನೂ ಅದೇ ಸಮಯ ಪೂರ್ಣಗೊಳಿಸು­ವು­ದಾಗಿ ಇಲಾಖೆಯ ಸಹಾಯಕ ಕಾರ್ಯ­ನಿರ್ವಾಹಕ ಎಂಜಿನಿಯರ್ ಶಂಕರ್ ತಿಳಿಸಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.