`ಅಸ್ತ್ರ' ಪರೀಕ್ಷಾರ್ಥ ಉಡಾವಣೆ ಯಶಸ್ವಿ

7

`ಅಸ್ತ್ರ' ಪರೀಕ್ಷಾರ್ಥ ಉಡಾವಣೆ ಯಶಸ್ವಿ

Published:
Updated:

ಬಾಲಾಸೋರ್ (ಒಡಿಶಾ): ಸಂಪೂರ್ಣ ದೇಶಿ ತಂತ್ರಜ್ಞಾನದಿಂದ ನಿರ್ಮಿಸಲಾದ `ಅಸ್ತ್ರ' ಕ್ಷಿಪಣಿಯ ಪರೀಕ್ಷಾರ್ಥ ಉಡಾವಣೆಯನ್ನು ಸೋಮವಾರ ಇಲ್ಲಿಗೆ ಸಮೀಪದ ಚಾಂಡಿಪುರದ ಉಡಾವಣಾ ಕೇಂದ್ರದಲ್ಲಿ ಯಶಸ್ವಿಯಾಗಿ ನಡೆಸಲಾಯಿತು.



ಸದ್ಯ ಸೇನೆ ಬಳಸುತ್ತಿರುವ ಬಿವಿಆರ್ ಕ್ಷಿಪಣಿಗಳಿಗಿಂತ ಅತ್ಯಾಧುನಿಕ ತಂತ್ರಜ್ಞಾನ ಹೊಂದಿರುವ `ಅಸ್ತ್ರ'ಕ್ಷಿಪಣಿಯನ್ನು ಮಧ್ಯಾಹ್ನ 12.20ಕ್ಕೆ ಉಡಾವಣೆ ಮಾಡಲಾಯಿತು. 3.8 ಮೀಟರ್ ಉದ್ದ ಮತ್ತು 160 ಕೆ.ಜಿ ಭಾರದ ಈ ಕ್ಷಿಪಣಿ 15 ಕೆ.ಜಿ  ಸಿಡಿತಲೆಗಳನ್ನು ಕೊಂಡೊಯ್ಯುವ ಸಾಮರ್ಥ್ಯವನ್ನು ಹೊಂದಿದೆ.



ಯಾವುದೇ ಯುದ್ಧ ವಿಮಾನಗಳಿಗೆ ಇವುಗಳನ್ನು ಸುಲಭವಾಗಿ ಅಳವಡಿಸಬಹುದಾಗಿದೆ ಎಂದು ಸೇನಾ ಪಡೆಯ ಮೂಲಗಳು ತಿಳಿಸಿವೆ.

ಶಬ್ದಾತೀತ ವೇಗದಲ್ಲಿ ಚಲಿಸಬಲ್ಲ ಈ ಕ್ಷಿಪಣಿ ಇನ್ನೂ ಅಭಿವೃದ್ಧಿ ಹಂತದಲ್ಲಿದ್ದು ಈಗಾಗಲೇ ಎರಡು ಬಾರಿ ಪರೀಕ್ಷಾರ್ಥ ಉಡಾವಣೆ ಮಾಡಲಾಗಿದೆ. ನಾಲ್ಕು ದಿನಗಳ ಅವಧಿಯಲ್ಲಿ ನಡೆದ ಮೂರನೇ ಉಡಾವಣೆ ಇದಾಗಿದೆ.



ಈ ಕ್ಷಿಪಣಿಯನ್ನು ಇನ್ನೂ ಅನೇಕ ಪರೀಕ್ಷೆಗಳಿಗೆ ಒಳಪಡಿಸಬೇಕಿದ್ದು ನಂತರ ಸೇನೆಗೆ ಹಸ್ತಾಂತರಿಸಲಾಗುವುದು ಎಂದು ಡಿಆರ್‌ಡಿಒ ವಿಜ್ಞಾನಿಗಳು ತಿಳಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry