ಆದರ್ಶ ಹಗರಣದಲ್ಲಿ ಶಿಂಧೆ ಪಾತ್ರ ಇಲ್ಲ

7
ಬಾಂಬೆ ಹೈಕೋರ್ಟ್‌ಗೆ ಸಿಬಿಐ ಪ್ರಮಾಣಪತ್ರ

ಆದರ್ಶ ಹಗರಣದಲ್ಲಿ ಶಿಂಧೆ ಪಾತ್ರ ಇಲ್ಲ

Published:
Updated:
ಆದರ್ಶ ಹಗರಣದಲ್ಲಿ ಶಿಂಧೆ ಪಾತ್ರ ಇಲ್ಲ

ಮುಂಬೈ (ಪಿಟಿಐ): ಇಲ್ಲಿನ ಆದರ್ಶ ವಸತಿ ಸಹಕಾರ ಸಂಘದ ಹಗರಣದಲ್ಲಿ ಕೇಂದ್ರ ಗೃಹ ಸಚಿವ ಸುಶೀಲ್‌­ಕುಮಾರ್‌ ಶಿಂಧೆ ಅವರ ಪಾತ್ರ ಇಲ್ಲ ಎಂದು ಸಿಬಿಐ ನ್ಯಾಯಾಲಯಕ್ಕೆ ಪ್ರಮಾಣಪತ್ರ ಸಲ್ಲಿಸಿದೆ.



ಶಿಂಧೆ ಅವರು ಮಹಾರಾಷ್ಟ್ರ ಮುಖ್ಯಮಂತ್ರಿಯಾಗಿದ್ದಾಗ ಈ ಹಗರ­ಣದ ಸಂಬಂಧ ಅಧಿಕಾರ ದುರ್ಬ­ಳಕೆ ಮಾಡಿಕೊಂಡಿದ್ದಾರೆ ಎಂಬ ಆರೋ­ಪಕ್ಕೆ ಯಾವ ಸಾಕ್ಷಿ– ಆಧಾರಗಳೂ ಇಲ್ಲ ಎಂದು ತನಿಖಾ ಸಂಸ್ಥೆಯು ಬಾಂಬೆ ಹೈಕೋರ್ಟ್‌ಗೆ ತಿಳಿಸಿದೆ.



ದಕ್ಷಿಣ ಮುಂಬೈನಲ್ಲಿರುವ 31 ಅಂತಸ್ತುಗಳ ವಿಲಾಸಿ ‘ಆದರ್ಶ ವಸತಿ ಸಂಕೀರ್ಣ’ದಲ್ಲಿ ಶಿಂಧೆ ಬೇನಾಮಿ ಫ್ಲ್ಯಾಟ್‌ಗಳನ್ನು ಹೊಂದಿ­ರುವು­ದರಿಂದ ಅವರನ್ನೂ ಹಗರಣದಲ್ಲಿ ಆರೋಪಿಯೆಂದು ಪರಿಗಣಿಸಬೇಕು ಎಂದು ಕೋರಿ ಸಾಮಾಜಿಕ ಕಾರ್ಯ­ಕರ್ತ ಪ್ರವೀಣ್‌ ವಾಟೆ­ಗಾಂವ್ಕರ್‌ ಕೋರ್ಟ್‌ಗೆ ಅರ್ಜಿ ಸಲ್ಲಿಸಿ­ದ್ದರು.



ಇದಕ್ಕೆ ಪ್ರತಿಕ್ರಿಯೆ­ಯಾಗಿ ಸಿಬಿಐ ನ್ಯಾಯಾಲ­ಯಕ್ಕೆ ಸಲ್ಲಿಸಿದ ಪ್ರಮಾಣ­ಪತ್ರದಲ್ಲಿ ಹೀಗೆ ಹೇಳಿದೆ.



ಹಗರಣಕ್ಕೆ ಸಂಬಂಧಿಸಿದಂತೆ ತಾನು ನಡೆಸುತ್ತಿರುವ ತನಿಖೆಯಲ್ಲಿ ಶಿಂಧೆ ಅವರನ್ನು ಆರೋಪಿಯಾಗಿ ಪರಿಗ­ಣಿಸು­ವ ಅಗತ್ಯವಿದೆ ಎಂದು ತೋರು­ತ್ತಿಲ್ಲ ಎಂದು ಅದು ಸ್ಪಷ್ಟಪಡಿಸಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry