`ಆಶಾವಾದಿಗಳಾಗಿ ಜೀವನದಲ್ಲಿ ಕನಸು ಕಾಣಿ'

7

`ಆಶಾವಾದಿಗಳಾಗಿ ಜೀವನದಲ್ಲಿ ಕನಸು ಕಾಣಿ'

Published:
Updated:

ಹೊಸಕೋಟೆ: `ಪ್ರತಿ ವಿದ್ಯಾರ್ಥಿ ಆತ್ಮವಿಶ್ವಾಸ ಬೆಳೆಸಿಕೊಂಡು ಆಶಾವಾದಿಗಳಾಗಿ ಜೀವನದಲ್ಲಿ ಕನಸು ಕಾಣಬೇಕು' ಎಂದು ಮಾಜಿ ರಾಷ್ಟ್ರಪತಿ ಡಾ.ಎ.ಪಿ.ಜೆ. ಅಬ್ದುಲ್ ಕಲಾಂ ಕಿವಿಮಾತು ಹೇಳಿದರು.



ತಾಲ್ಲೂಕಿನ ಕಲ್ಕುಂಟೆ ಗ್ರಾಮದ ರಂಗನಾಥ ಗ್ರಾಮಾಂತರ ಪ್ರೌಢಶಾಲೆಯ ಸುವರ್ಣ ಮಹೋತ್ಸವ ಕಾರ್ಯಕ್ರಮವನ್ನು ಈಚೆಗೆ ಉದ್ಘಾಟಿಸಿ ಅವರು ಮಾತನಾಡಿದರು.



`ಗುರಿ ಹಾಗೂ ಪರಿಶ್ರಮದ ಮೂಲಕ ಹೆಚ್ಚು ಜ್ಞಾನ ಪಡೆದಾಗ ಮಾತ್ರ ಉನ್ನತ ಹುದ್ದೆಗೆ ಏರಲು ಸಾಧ್ಯ ಎಂಬುದನ್ನು ವಿದ್ಯಾರ್ಥಿಗಳು ಅರಿಯಬೇಕು. ಪ್ರತಿ ವಿದ್ಯಾರ್ಥಿಯು ಸಮಯಕ್ಕೆ ಅಧಿಕ ಮಹತ್ವ ಕೊಡಬೇಕು. ಐವರು ಅನಕ್ಷರಸ್ಥರನ್ನು ಅಕ್ಷರಸ್ಥರನ್ನಾಗಿ ಮಾಡಲು ಮುಂದಾಗಬೇಕು' ಎಂದರು.



ಸಚಿವ ಬಿ.ಎನ್.ಬಚ್ಚೇಗೌಡ ಮಾತನಾಡಿ, `ಮುಂದಿನ ಶೈಕ್ಷಣಿಕ ವರ್ಷದಿಂದ ಶಾಲೆಯಲ್ಲಿ ಪದವಿಪೂರ್ವ ಕಾಲೇಜು ಆರಂಭಿಸಲು ಅನುಮತಿ ನೀಡಲಾಗುವುದು' ಎಂದು ಭರವಸೆ ನೀಡಿದರು. ರಕ್ಷಣಾ ಸಚಿವಾಲಯದ ನಿವೃತ್ತ ಸಲಹೆಗಾರ ಡಾ.ವಿ.ಕೆ.ಅತ್ರೆ, ಜಿ.ಪಂ. ಅಧ್ಯಕ್ಷ ತಿರುವರಂಗ ನಾರಾಯಣಸ್ವಾಮಿ, ಸತ್ಯಸಾಯಿ ಸೇವಾಶ್ರಮದ ಮಾಜಿ ಸಂಚಾಲಕ ಬಿ.ಎನ್.ನರಸಿಂಹಮೂರ್ತಿ, ಶಾಲೆಯ ಅಧ್ಯಕ್ಷ ಎಚ್.ಎಸ್.ಬಸವರಾಜು ಉಪಸ್ಥಿತರಿದ್ದರು.



ಈ ಸಂದರ್ಭ ರಂಗನಾಥ ಪ್ರೌಢ ಶಾಲೆಯ ಸ್ಮರಣ ಸಂಚಿಕೆಯನ್ನು ಬಿಡುಗಡೆ ಮಾಡಲಾಯಿತು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry