ಇಬ್ಬಗೆಯ ನೀತಿ ಕೈಬಿಡಿ: ಕೇಂದ್ರಕ್ಕೆ ಮೋದಿ ಸಲಹೆ

ಜುನಾಗಡ  (ಗುಜರಾತ್) (ಪಿಟಿಐ):  ಪ್ರಧಾನಿಯ ಸ್ವಾತಂತ್ರ್ಯೋತ್ಸವ ಭಾಷಣಕ್ಕೆ ತೀವ್ರವಾಗಿ ಪ್ರತಿಕ್ರಿಯಿಸಿರುವ ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿ, `ಬಾಂಗ್ಲಾ ಅಕ್ರಮ ವಲಸಿಗರ ಸಮಸ್ಯೆ, ಮುಂಬೈ ಹಿಂಸಾಚಾರದಂತಹ ಜ್ವಲಂತ ಘಟನೆಗಳ ಕುರಿತು ಅವರು ಮೌನಕ್ಕೆ ಶರಣಾಗಿದ್ದಾರೆ~  ಎಂದು ಟೀಕಿಸಿದ್ದಾರೆ.



`ಬಾಂಗ್ಲಾ ಅಕ್ರಮ ನುಸುಳುಕೋರರ ಸಮಸ್ಯೆಯ ಒಂದು ಭಾಗವಾಗಿ ಈಚೆಗೆ ಅಸ್ಸಾಂನಲ್ಲಿ ನಿರಂತರ ಘರ್ಷಣೆ ನಡೆದಿದ್ದು, ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವುದು ಈಗಿನ ತುರ್ತು ಅಗತ್ಯ ಎನಿಸಿದೆ. ಸರ್ಕಾರ ಈ ಸಮಸ್ಯೆಗೆ ಯಾವ ಪರಿಹಾರ ಕಂಡುಕೊಂಡಿದೆ ಎಂಬುದನ್ನು ಪ್ರಧಾನಿ ತಿಳಿಸಬೇಕಿತ್ತು. ಅವರ ಭಾಷಣ ಪ್ರಧಾನಿಯ ಭಾಷಣ ಎನಿಸದೆ ಸಾಮಾನ್ಯ ವ್ಯಕ್ತಿಯ ಭಾಷಣದಂತಿದೆ~ ಎಂದಿದ್ದಾರೆ.